លោក យី វាសនា នាំយកមេដាយបច្ឆាមរណៈជូនសពលោកគ្រូបង្វឹកហែលទឹក ហែម លំផាត់
ភ្នំពេញ៖នាព្រឹកថ្ងៃទី១៨ ខែកក្កដា ឆ្នាំ២០២០លោក យី វាសនា អគ្គលេខាធិការ គណៈកម្មាធិការជាតិ ប៉ារ៉ាឡាំពិកតំណាងដ៏ខ្ពង់ខ្ពស់សម្តេចអគ្គមហា សេនាបតី តេជោ ហ៊ុន សែន ប្រធានគណៈកម្មាធិការ ជាតិ ប៉ារ៉ាឡាំពិក កម្ពុជា និងជានាយករដ្ឋមន្ត្រីនៃព្រះរាជាណាចក្រកម្ពុជាបាននាំយកមេដាយបច្ចាមរណៈជូនសពលោកគ្រូ ហែម លំផាត់ ។
លោក យី វាសនាបានមានប្រសាសន៍ថា ថ្ងៃនេះលោកបាននាំយកមេដាយកិត្តយសមេដាយបច្ចាមរណៈ ដែលផ្ដល់ដោយ សម្តេច អគ្គមហាសេនាបតីតេជោ ហ៊ុន សែន និង ថវិកា ចំនួន ២លាន រៀល ជូនដល់សពលោកគ្រូ ហែម លំផាត់ ជាគ្រូបង្វឹក ហែលទឹកកីជម្រើសជាតិនិងជាគ្រូហែលទឹកជម្រើសជាតិជនពិការរបស់សហព័ន្ធខ្មែរកីឡាហែលទឹកមានស្នាដៃជូនជាតិក្នុងការបង្ហាត់ផ្ទាល់អត្តពលិកជម្រើសជាតិប៉ារ៉ាឡាំពិកកម្ពុជា ។
លោកអគ្គបានបន្តថា ក្នុងការដឹងនាំកន្លងមករបស់លោកគ្រូ ហែម លំផាត់ គណៈកម្មាធិការជាតិ ប៉ារ៉ាឡាំពិកកម្ពុជាទទួលបានមេដាយផ្នែកហែលទឹកសរុបមេដាយចំនួន៩គ្រឿង រួមមានមាស០១ គ្រឿង ប្រាក់ ០២ គ្រឿង និងសំរឹទ្ធិ ០៦គ្រឿង ៕
