បុរសប្រើអំពើហឹង្សា ក្នុងគ្រួសារបំផ្លិចបំផ្លាញទ្រព្យសម្បត្តិ និងបង្កការអុកឡុកពេញភូមិ,ប៉ូលិសកៀនស្វាយចាប់វ៉ៃខ្នោះដៃជាប់
កណ្ដាល៖ក្រុមសមត្ថកិច្ចប៉ូលិសស្រុកកៀនស្វាយបានអោយដឹងនៅព្រឹកថ្ងៃទី២០ខែកក្ដដានេះថាដោយស្ដីពីករណីប្រើអំពើហឹង្សារក្នុងគ្រួសារនៅឯភូមិកោះប្រាក់ចាស់ ឃុំភូមិធំ ស្រុកកៀនស្វាយ ខេត្តកណ្តាល កាលពីម៉ោងជិត១១យប់នាថ្ងៃទី១៨ខែកក្ដដាឆ្នាំ២០២០នេះ។
ជនរងគ្រោះឈ្មោះ ស្រី សុខឿន ភេទស្រី អាយុ ៥២ ឆ្នាំមានទីលំនៅភូមិកោះប្រាក់ចាស់ ឃុំភូមិធំ ស្រុកកៀនស្វាយ ខេត្តកណ្តាល (ម្តាយបង្កើត)។
ចំពោះជនសង្សយ័ឈ្មោះ វ៉ាន់ តុលា ភេទប្រុស អាយុ៣៣ ឆ្នាំ មានលំនៅភូមិកោះប្រាក់ចាស់ ឃុំភូមិធំ ស្រុកកៀនស្វាយ ខេត្តកណ្តាល ។
ចំពោះសម្ភារៈខូចខាត ៖ រួមមាន ចាន មួយចំនួន ,ឆ្នាំងបាយអគ្គីសនី ចំនួន ០១,អង្ករ ប្រមាណកន្លះប៉ាវផងដែរ។
ប៉ូលិសអោយដឹងទៀតថាដោយនៅថ្ងៃខែឆ្នាំនិងម៉ោងខាងលើនោះ
ឈ្មោះ ស្រី សុខឿន ភេទស្រី ដែលត្រូវជាម្តាយបង្កើតរបស់ជនសង្ស័យ ខាងលើនោះបានឃើញកូនប្រុសរបស់គាត់ឈ្មោះ វ៉ាន់ តុលាកំពុងផឹកស្រាតែម្នាក់ឯង នៅខាងក្រោមផ្ទះម្តាយ ហើយឃើញដូចនេះក៏បានដើរទៅវត្តកោះប្រាក់ចាស់ ដើម្បីសុំស្នាក់អាស្រ័យនៅទីវត្តមួយយប់ ដើម្បីជៀសវាង កូនគាត់ផឹកស្រាស្រវឹងហើយមករករឿងគាត់និងវាយធ្វើបាបគាត់ ។ក្រោយមក ឈ្មោះ វ៉ាន់ តុលា ពេលស្រវឹងស្រាដាបខ្លួនហើយក៏ដើរទៅរកម្តាយតែរកមិនឃើញ សោះហើយក៏បានដើរទៅរករឿងជេរបញ្ចោរដល់អ្នកជិតខាងឡើងចាស់ដៃនិងបានទៅរករឿង ដល់អ៊ុំស្រីឈ្មោះ ស្រី ថាញ់ ភេទស្រី អាយុ ៥៦ឆ្នាំ មានលំនៅភូមិកោះប្រាក់ចាស់ ឃុំភូមិធំ ដែលគាត់កំពុងតែមានជំងឺ ហើយបានច្រានគាត់បណ្តាលអោយដួលផ្កាប់មុខទៅលើដី ។ ពេលឈ្លោះជាមួយអ៊ុំស្រីរួចហើយ ជនសង្ស័យខាងលើនៅមិនទាន់អស់ចិត្តក៏បានមកផ្ទះដោយវាយបំផ្លិចបំផ្លាញទ្រព្យសម្បត្តិនៅក្នុងផ្ទះរួមមាន ចាន ,ឆ្នាំងបាយអគ្គិសនី ,អង្ករ, គ្រែ និងបានដុតផ្ទះខ្លួនថែមទៀតផង ដែររតែដោយសារអ្នកជិតខាងឃើញទាន់ ក៏បាននាំគ្នាយកទឹកទៅចាក់ពន្លត់ភ្លើងទាន់ពេលវេលា កុំអីវីវរបាត់ទៅហើយ។បន្ទាប់មកឈ្មោះ វ៉ាន់ តុលា ដែលជាជនសង្ស័យខាងលើនោះដោយដឹងថាម្តាយរបស់ខ្លួនគាត់ទៅដេកសម្រាកនៅឯវត្តកោះប្រាក់ចាស់នោះជនសង្ស័យខាងលើនោះក៏បានទៅតាមរករឿងម្តាយដល់វត្តថែមទៀត និងបានស្រែកឡូឡាជេរបញ្ចោរទាំងកណ្ដាលយប់និងរករឿងទៅដល់ព្រះសង្ឃផ្អើលពេញវត្តថែមទៀតផង ។ ដោយមានការមិនពេញចិត្តពីសំណាក់ប្រជាពលរដ្ឋក៏បាននាំគ្នាសហការណ៍ជាមួយមេភូមិ និង ប្រជាការពារដោយ ចាប់ឈ្មោះ វ៉ាន់ តុលា ខាងលើនោះយកមកប្រគល់អោយក្រុមសមត្ថកិច្ចប៉ុស្តិ៍នគរបាលរដ្ឋបាលភូមិធំ ដើម្បីសួរនាំ និងអនុវត្តតាមនិតិវិធីច្បាប់ ។ នៅចំពោះមុខសមត្ថកិច្ចជនសង្ស័យខាងលើបានសារភាពថាខ្លួនពិតជាបានប្រើអំពើហឹង្សារ និង បំផ្លិតបំផ្លាញទ្រព្យសម្បត្តិ ដុតផ្ទះរបស់ជនរងគ្រោះដែលជាម្តាយពិតប្រាកដមែន រួចជនសង្សយ័បានបញ្ជូនមកកាន់អធិការដ្ឋានស្រុកកៀនស្វាយដើម្បីបន្តរនិតិវិធី ៕