អគ្គិភ័យដ៏ធំមួយបាន ឆាបឆេះផ្សារ នៅប្រទេសអារ៉ាប់រួមអេមីរ៉ាត

ឌូបៃ៖ព័ត៌មានបឋមពីKhaleej Times ដោយយោងតាមរបាយការណ៍ជាផ្លូវការមួយ បានឱ្យដឹងថាភ្លើងបានឆាបឆេះនៅម៉ោង ៦ : ៣០ ល្ងាចថ្ងៃពុធនៅខាងក្នុងផ្សារAjman នៃតំបន់ឧស្សាហកម្មថ្មីនៅអាហ្គេនដែលស្ថិតនៅចម្ងាយប្រហែល ៥០ គីឡូម៉ែត្រពីទីក្រុងឌូបៃ។មិនទាន់មានសេចក្តីរាយការណ៍អំពីការខូចខាតនិងគ្រោះថ្នាក់ដល់អាយុជីវិតនៅឡើយទេ ខណៈដែលក្រុមរថយន្តពន្លត់អគ្គីភ័យនិងអ្នកជួយសង្រោះជាច្រើនត្រូវបានបញ្ជូនទៅកាន់តំបន់នោះ។ ហេតុការណ៍នេះកើតឡើងតែមួយថ្ងៃក្រោយពីហេតុការណ៍ផ្ទុះដ៏កក្រើកនៅលីបង់កាលពីថ្ងៃអង្គារ។