កីឡាវាយសីកំណត់គោលដៅប្រជែង យកមេដាយមាសមួយគ្រឿង ពេលកម្ពុជាធ្វើម្ចាស់ផ្ទះស៊ីហ្គេម
ភ្នំពេញ៖ប្រមុខកីឡាវាយសីកម្ពុជាគឺលោកឧត្តមសេនីយ៍ឯកលី កុសលបានកំណត់ពីគោលដៅក្នុងការប្រជែងយកមេដាយមាស
ឲ្យបានយ៉ាងហោចណាស់មួយគ្រឿងពេលដែលកម្ពុជាធ្វើជាម្ចាស់ផ្ទះនៃការប្រកួតកីឡាស៊ីហ្គេមលើកទី៣២ឆ្នាំ២០២៣ ។
កីឡាវាយសីកម្ពុជាគឺជាប្រភេទកីឡាដែលមានសក្ដានុពលគ្រាន់បើមួយទោះបីនៅក្នុងការប្រកួតកម្រិតតំបន់ប្រភេទកីឡានេះនៅ
មិនទាន់ប្រជែងបានមេដាយក៏ពិតមែន ។សម្រាប់ការប្រកួតនានាដូចជាការប្រកួតកីឡានៃបណ្ដាប្រទេសតំបន់អនុតំបន់ទន្លេមេគង្គកីឡា
វាយសីកម្ពុជាតែងតែទទួលបានលទ្ធផលល្អជានិច្ច ។
លោកប្រធានសហព័ន្ធរូបនេះទទួលស្គាល់ថាវាពិតជាលំបាកតែយើងត្រូវតែមានជំនឿចិត្ត និង ការប្ដេជ្ញាចិត្ត ។ប្រភេទកីឡាវាយ
សីគឺត្រូវការការប្ដេជ្ញាចិត្ត ជំនឿចិត្ត កលល្បិច ថាមពល ព្រមទាំងភាពអំណត់ ។លោកទទួលស្គាល់ថាបញ្ហាទាំងអស់នេះលោកនឹងធ្វើបាន
ហើយសហព័ន្ធទាំងមូលក៏បានឯកភាពគ្នាដាក់គោលដ្រៅជែងយកមេដាយមាសឲ្យបានយ៉ាងហោចណាស់មួយគ្រឿងដែរ ។
សម្រាប់សហព័ន្ធមួយមិនមែនត្រូវការតែកីឡាករ កីឡាការិនីដែលមានសក្ដានុពលប៉ុណ្ណោះទេតែត្រូវមានអាជ្ញាកណ្ដាល ចៅក្រម
កម្រិតអន្តរជាតិដែលមានសមត្ថភាព រួមជាមួយនឹងមន្ត្រីរៀបចំការប្រកួតទៀតផង ។
ពេលនេះសហព័ន្ធបានផ្ដល់ទំនុកចិត្តដល់កីឡាករ កីឡាការិនីវ័យក្មេងៗជាមួយនឹងការបញ្ជូនពួកគេឲ្យទៅហ្វឹកហាត់រយៈពេល
យូរនៅក្រៅប្រទេស ព្រមទាំងមួយចំនួនហ្វឹកហាត់នៅក្នុងប្រទេស ។
លោកឧត្តមសេនីយ៍ជាម សុភាអគ្គលេខាធិការរបស់សហព័ន្ធក៏បានបង្ហាញពីជំនឿចិត្តថាយើងត្រូវតែមានការតាំងចិត្តបែបនេះ
ហើយ ។ ជាមួយគ្នានេះសហព័ន្ធក៏បានរៀបចំនូវផែនការហ្វឹកហាត់ឲ្យបានត្រឹមត្រូវបំផុតសម្រាប់ពួកគេ យើងត្រូវតែមានជំនឿចិត្ត ៕