តេក្វាន់ដូអាយ ធី អេហ្វនឹងដណ្ដើម បានមេដាយប្រសិនបើមានវត្តមាននៅស៊ីហ្គេម
ភ្នំពេញ៖លោកកែវ រ៉េមីអនុប្រធានសហព័ន្ធកីឡាកីឡាតេក្វាន់ដូអាយ ធី អេហ្វពិភពលោក និងជាប្រធានសហព័ន្ធអាស៊ីអាគ្នេយ៍
ព្រមទាំងជាប្រធានសហព័ន្ធតេក្វាន់ដូអាយ ធី អេហ្វកម្ពុជាផងនោះបានអះអាងថាប្រសិនបើកីឡាតេក្វាន់ដូI T F(International Taekwondo
Federation)មានវត្តមាននៅស៊ីហ្គេមនោះលោកធានានឹងប្រជែងបានមេដាយជាមិនខាន ។
អាយ ធី អេហ្វជាស្ទីលតេក្វាន់ដូរបស់កូរេខាងជើងវាមិនមែនជាប្រភេទកីឡាអូឡាំពិកឡើយតែសម្រាប់កម្ពុជាកំពុងតែមានសក្ដា
នុពលខ្លាំងលើប្រភេទកីឡានេះ ។កម្ពុជាធ្លាប់ធ្វើជាម្ចាស់ផ្ទះនៃការប្រកួតជើងឯកអាស៊ីអាគ្នេយ៍លើប្រភេទកីឡានេះដោយទទួលបានមេដាយ
នៅកំពូលតារាងតែម្ដង ។
លោកកែវ រ៉េមីអះអាងថាកម្ពុជាធ្លាប់ប្រជែងបានមេដាយមាសពិភពលោក ហើក្នុងកម្រិតទ្វីប និង តំបន់កម្ពុជាកាន់តែអស្ចារ្យថែម
ទៀត ។លោកអះអាងបន្ថែមថាតេក្វាន់ដូអាយ ធី អេហ្វធានាមិនធ្វើឲ្យរាជរដ្ឋាភិបាល មិនធ្វើឲ្យក្រសួងអប់រំយុវជន និង កីឡាព្រមទាំងគណៈ
កម្មាធិការជាតិអូឡាំពិកកម្ពុជាខកចិត្តនោះទេប្រសិនបើប្រភេទកីឡានេះមានវត្តមាននៅស៊ីហ្គេមនោះ ។
លោកវ៉ាត់ ចំរើនអគ្គលេខាធិការគណៈកម្មាធិការជាតិរៀបចំស៊ីហ្គេមឆ្នាំ២០២៣ និង ជាអគ្គលេខាធិការគណៈកម្មាធិការជាតិអូឡាំ
ពិកកម្ពុជាបានប្រកាសពីការប្រឹងប្រែងដាក់បញ្ចូលកីឡាតេក្វាន់ដូអាយ ធី អេហ្វនេះទៅក្នុងការប្រកួតកីឡាស៊ីហ្គេមលើកទី៣២ឆ្នាំ២០២៣ក្នុង
ខណៈដែលកម្ពុជាធ្វើជាម្ចាស់ផ្ទះនោះ ។
ប្រមុខតេក្វាន់ដូអាយ ធី អេហ្វបន្តថាលោកបានរៀបចំកីឡាករ កីឡាការិនីថ្នាលគ្រប់ប្រភេទអាយុហើយពេលនេះពួកគេកំពុងតែ
មានការរីកចម្រើនខ្លាំងណាស់ ។
លោកអ៊ុក សិទ្ធីជាតិអគ្គនាយកកីឡានៃក្រសួងអប់រំយុវជន និង កីឡាបានអះអាងថាក្រសួងអប់រំយុវជន និង កីឡាបានកែទម្រង់
លើវិស័យកីឡាលើចំណុចជាច្រើនអញ្ចឹងហើយទើបពេលនេះកីឡាករ កីឡាការិនីមានការរីកចម្រើន ។លោកបន្តថាសហព័ន្ធជាតិណាដែល
អនុវត្តន៍តាមការកែទម្រង់របស់ក្រសួងអប់រំយុវជន និង កីឡាពិតជាមានការអភិវឌ្ឍន៍ ។
ការកែទម្រង់សំខាន់ៗនោះមានការកែទម្រង់រចនាសម្ព័ន្ធ(ទីលានប្រកួតត្រឹមត្រូវតាមកម្រិតស្ដង់ដារ ) ការបណ្ដុះបណ្ដាលធនធាន
មនុស្ស ការកែទម្រង់ការប្រកួត និង ណពង្រីកសហព័ន្ធជាតិ ៕