កម្ពុជាសង្ឃឹមកើនមេដាយនៅ SEA GAMES វៀតណាម
ភ្នំពេញ៖កិម្ពុជាបានឈរនៅចំណាត់ថ្នាក់លេខ៨ក្នុងព្រឹត្តិការណ៍ស៊ីហ្គេមចំនួន៣លើកជាប់គ្នាមកហើយគឺឆ្នាំ២០១៥នៅសឹង្ហបូរី
២០១៧នៅម៉ាឡេស៊ី និង ២០១៩នៅហ្វីលីពីន ។
ក្នុងការប្រកួតទាំ៣លើកនោះប្រភេទកីឡាវ៉ូវីណាម និង កីឡាកាយវប្បកម្មដែលកម្ពុជាមានសក្ដានុពលខ្លាំងនោះមិនមានវត្តមាន
ឡើយ ។
លោកវ៉ាត់ ចំរើនអគ្គលេខាធិការនៃគណៈកម្មាធិការជាតិអូឡាំពិកនិងអគ្គលេខាធិការគណៈកម្មាធិការជាតិរៀបចំស៊ីហ្គេមឆ្នាំ
២០២៣ (CAMSOC)បានមានប្រសាសន៍ថា ប្រទេសកកម្ពុជាមានគោលដៅចង់ឈានជើងចូលចំណាត់ថ្នាក់លេខ៧ ក្នុងចំណោម១១ប្រទេស
ព្រោះកម្ពុជាឈរនៅចំណាត់ថ្នាក់លេខ៨ចំនួន៣លើកជាប់ៗគ្នាមកហើយ ។
លោកអគ្គលេខាធិការបន្តថា ប្រសិនបើយើងទទួលបានចំណាត់ថ្នាក់លេខ៧ យើងនឹងសម្រុកការប្រកួតកីឡា SEA GAMES២០២៣ នៅកម្ពុជាឲ្យឈរចំណាត់ថ្នាក់លេខ៦ ឬលេខ៥ដែលជាក្ដី ស្រមៃកម្ពុជាចង់បាន។ស៊ីហ្គេមនៅវៀតណាមប្រសិនបើកម្ពុជាលោតមកដល់ចំ
ណាត់ថ្នាក់លេខ៧នោះវាពិតជាសញ្ញាដ៏ល្អបំផុតហើយ ។
អគ្គលេខាធិការរូបនេះបានបន្ថែមទៀតថា ម្ចាស់ផ្ទះវៀតណាមដាក់៣៦ប្រភេទកីឡាក្នុងការប្រកួត ចំណែកកម្ពុជានឹងបញ្ជូន ៣១
ប្រភេទកីឡាត្រៀមចូលរួមជាមួយប្រភេទកីឡាមានសក្តានុពលដណ្តើមមេដាយបានចំនួន១១ប្រភេទរួមមានកីឡាប៉េតង់ តេក្វាន់ដូ WT វ៉ូវីណាម ចំបាប់ វាយកូនបាល់ វ៉ូស៊ូ ប្រដាល់សកល ប្រដាល់ Kick Boxing សីដក់ ប្រដាល់ (គុនខ្មែរ) និងកីឡាកាយវប្បកម្ម។
ចំណែកកីឡាកាយវប្បកម្ម និងវ៉ូវីណាមជាប្រភេទកីឡាដែលអាចមានសមត្ថភាពដណ្តើមមេដាយមាសនៃព្រឹត្តិការណ៍ការប្រកួតកីឡា SEA GAMES នៅប្រទេសវៀតណាម ព្រោះទាំង២ប្រភេទកីឡានេះរាល់ការចេញទៅប្រកួតលើឆាកអន្តរជាតិតែងតែងឈ្នះមេដាយមាសរហូត៕