បាង កានុន និង ឡុង ខេត្តនរណាឈ្នះក៏ទ្រមខ្លួនដែរ
ភ្នំពេញ៖សម្រាប់ថ្ងៃទី៧វិច្ឆិកានេះក្នុងព្រឹត្តិការណ៍ TV5 Boxing Knock-Out Serie by Cell Card អ្នកប្រដាដាល់ជើងខ្លាំងវ័យក្មេង២ រូប
នឹងត្រូវប្រជែងគ្នាដណ្ដើមកៅអីសម្រាប់វគ្គពាក់កណ្ដាលផ្ដាច់ព្រ័ត្រ ។
សុទ្ធតែជាអ្នកខ្លាំង និង ធ្លាប់ឆ្លងកាត់ការប្រកួតជាច្រើនដងដូចគ្នានោះគឺបាង កានុនក្លិបអាណាចក្រគុនខ្មែរ ជួបប្រកួតជាមួយអ្នកបរដាល់ឡុង ខេត្តក្លិបខ្លារខិនមានរិទ្ធ ។ពួកគេមានវ័យក្មេងមែនតែគេបានបញ្ចេញសំដីដៀមដាមដាក់គ្នាយ៉ាងចាស់ដៃគ្រាន់បើដែរដោយទាំង
សងខាងសុទ្ធតែទះទ្រូងក្អេងក្អាងថាកៅអីសម្រាប់វគ្គពាក់កណ្ដាលផ្ដាច់ព្រ័ត្រជារបស់គេដូចៗគ្នា ។
ថ្ងៃប្រកួតមិនទាន់មកដល់ផងគេក្អេងក្អាងបែបនេះទៅហើយនៅពេលជួបប្រកួតគ្នាលើសង្វៀនទំនងជាវ៉ៃបានអស្ចារ្យមើលទៅព្រោះម្នាក់ៗសុទ្ធតែត្រូវការឈ្នះដោយគេចាត់ទុកថានេះជាការប្រកួតដ៏សំខាន់ព្រោះអ្នកឈ្នះឡើងទៅវគ្គពាក់កណ្ដាលផ្ដាច់ព្រ័ត្រហើបើឈ្នះ
នៅវគ្គពាក់កណ្ដាលផ្ដាច់ព្រ័ត្រទៀតគេកាន់តែនៅកៀកជាមួយតំណែងជើងឯកដែលមានរង្វាន់អមពាន៤.០០០ដុល្លារហើយ ។
បាង កានុនកាលពីប្រកួតជម្រុះនៅជុំទី១ គេបានយកឈ្នះអ្នកប្រដាល់សូដា សុវណ្ណម៉ាយក្លិបគោព្រៃគុនខ្មែរដោយពិន្ទុដែលការ
ប្រកួតនោះចៅក្រមទាំង៥រូបសុទ្ធតែផ្ដល់ពិន្ទុឲ្យរូបគ្នាឈ្នះគ្រប់ៗគ្នា ។ចំពោះឡុង ខេត្តវិញគេក៏បានយកឈ្នះអ្នកប្រដាល់លីន សេងហុងក្លិប
បូរីរាជសីហ៍មានរិទ្ធដោយពិន្ទុដែរ ។
ការប្រកួតដណ្ដើមកៅអីវគ្គពាក់កណ្ដាលផ្ដាច់ព្រ័ត្រពិតជាធ្ងន់ជាងការប្រកួតនៅវគ្គជម្រុះជុំទី១ហើយ ។គេជឿថាជំនួនរវាងអ្នកប្រ
ដាល់ទាំង២រូបនេះអ្នកឈ្នះប្រាកដជាទ្រមខ្លួនដូចគ្នាមិនខានឡើយ ។សូមបញ្ជាក់ថាបាង កានុនមានប្រវត្តិប្រកួតចំនួន៣៦ដង ឈ្នះ២៣ដង ចាញ់១១ដងស្មើពិន្ទុ២ដង និងវាយគូប្រកួតឲ្យសន្លប់ចំនួន៩ដង ។ ចំពោះឡុង ខេត្តដែលស្ថិតិប្រកួតរបស់គេមានចំនួនច្រើនជាងនោះគេធ្លាប់
ឆ្លងកាត់ការប្រកួតចំនួន៨៦ដង ឈ្នះ៥៧ដង ចាញ់ចាញ់២០ដង ស្មើពិន្ទុ៩ដង និងផ្ដួលគូប្រកួតឲ្យសន្លប់បានចំនួន៦ដង ។នរណាឈ្នះ ?
គូប្រកួតក្រៅព្រឹត្តិការណ៍ពានរង្វាន់វិញនោះព្រឿង សុចឺតក្លិបកងយោធពលខេមរភូមិន្ទប្រកួតជាមួយអ្នកប្រដាល់ផុន សុខវិបុលក្លិប
ជ្រៃសែនជ័យខេត្តកំពង់ស្ពឺដោយប្រកួតគ្នាក្នុងប្រភេទទម្ងន់៤៨គីឡូក្រាម ។
ពួកគេទាំង២សុទ្ធតែជាអ្នកប្រយុទ្ធជំនាន់ក្រោយដូចគ្នា ព្រមទាំងចូលចិត្តវ៉ៃប្ដូរដូចគ្នា ។នរណាឈ្នះនរណាចាញ៉គឺជារឿងមួយតែ
អ្នកប្រដាល់ទាំង២រូបនេះនឹងទក់សាច់ដូចគ្នា ។
អេ អាំម៉ារីនភូថងក្លិបកងយោធពលខេមរភូមិន្ទដែលជាកូនប្រុស របស់អតីតអ្នកប្រដាល់ជើងខ្លាំងអេភូថងនោះត្រូវបានដាក់ឲ្យប្រ
កួតជាមួយអ្នកប្រដាល់ឡូញ វ៉ាន់ឌីក្លិបពន្លឺវិបុលដោយប្រកួតគ្នាក្នុងប្រភេទទម្ងន់៥៧គីឡូក្រាម ។
ខ្លាចាស់ធី តុងហ៊ីក្លិបពន្លឺវិបុលប្រកួតជាមួយអ្នកប្រដាល់ជើងចាស់ដូចគ្នាគឺទេស សំខាន់ក្លិបកងពលតូចលេខ៧០ ។អ្នកប្រដាល់ទាំង២រូបនេះប្រកួតគ្នាក្នុងប្រភេទទម្ងន់៧៣គីឡូក្រាម ៕