ការងារជួសជុល ទំនប់សណ្ដស្ទឹងព្រែកត្នោត អាចនិង រួចរាល់នៅសប្ដាហ៏ក្រោយនេះ បន្ទាប់ពីទឹកជំនន់បាន បំផ្លាញ នាពេលកន្លងមក
ភ្នំពេញ៖ មន្ត្រីជំនាញក្រសួងធនធានទឹក និងឧតុនិយម បានឱ្យដឹងថា ការងារជួស ជុលទំនប់សណ្តស្ទឹងព្រែកត្នោត នឹងរួច រាល់នៅសប្តាហ៍ក្រោយ បន្ទាប់ពីរងការ ខូចខាតដោយជំនន់ទឹកភ្លៀង នាពេលកន្លងមកនេះ ។
លោក ចាន់ យុត្ថា អ្នកនាំពាក្យក្រសួងធនធានទឹកនិងឧតុនិយម បានឱ្យដឹងនៅថ្ងៃទី០៥វិច្ឆិកានេះថា៖ ដំណើរការជួសជុលស្ដារឡើងវិញ បន្ទាន់នូវទំនប់សណ្ដស្ទឹងព្រែកត្នោតនេះ បានចាប់ផ្ដើមកាលពី សប្ដាហ៍មុន ដោយមានកិច្ចសហការគាំទ្រជាសម្ភារបច្ចេក ទេសនិងថវិកា ពីក្រុមហ៊ុនសាងសង់ Guang dong Foreign Construc tion Co.; Ltd នៃ សាធារណរដ្ឋប្រជាមា និតចិន ហើយការជួលជុលទំនប់នេះ និងរួចរាល់នៅសប្តាហ៍ក្រោយ ។
លោកបានបន្តថា៖ ចំពោះការរៀបចំកែលម្អជា លក្ខណៈទ្រង់ទាយធំ នឹងត្រូវធ្វើនៅឆ្នាំក្រោយនេះដែលក្រសួងទទួលបាន ហិរញ្ញប្បទានពី សាធារណ រដ្ឋប្រជាមានិតចិនប្រមាណ១០០លានដុល្លារអាមេរិក សម្រាប់ធ្វើការអភិវឌ្ឍ ប្រព័ន្ធស្រោចស្រព និងការ ពារទឹក ជំនន់ស្ទឹងព្រែកត្នោត ដើម្បីជាប្រយោជន៍ក្នុងការទប់ទឹករក្សាទុកប្រើប្រាស់នារដូវប្រាំងខាងមុខនេះ និងដើម្បីធ្វើឱ្យខ្នងទំនប់រឹងមាំជាងមុន ជាពិសេសងាយ ស្រួលដល់ការធ្វើដំណើររបស់ប្រជាពល រដ្ឋក្នុងមូលដ្ឋានផង។
លោកបានបញ្ជាក់ថា៖ ការជួស ជុលនេះ អាចក្នុង រយៈពេលមួយសប្តាហ៍អីនឹងរួចរាល់ហើយ នេះគឺជាការជួសជុលបន្ទាន់ ។ ប៉ុន្តែក្នុងនោះគ្រោងអភិវឌ្ឍមួយ ទៀតដែលយើងហៅថា គម្រោងអភិវឌ្ឍន៍ប្រព័ន្ធស្រោចស្រពនិងការពារទឹកជំនន់ស្ទឹងព្រែកត្នោតនេះ គឺយើងមានកិច្ចសហ ប្រតិបត្តិការជាមួយចិន បានន័យថាយើងទទួលបានហិរញ្ញប្បទានពីប្រទេសចិន ដើម្បីរៀបចំប្រព័ន្ធនេះឡើងវិញ។ ហើយគម្រោងនេះយើង នឹងចាប់ផ្តើមអនុវត្តចាប់ ពីឆ្នាំ២០២១ទៅ ។
សូមបញ្ជាក់ថា៖ កាលពីពេលថ្មីៗនេះ លោក លឹម គានហោ រដ្ឋមន្ត្រីក្រសួង ធនធានទឹកនិងឧតុនិយម បានជំរុញឱ្យក្រុមការងារថ្នាក់ជាតិរបស់ក្រសួងត្រូវចុះសហការជាមួយក្រុមការងារថ្នាក់ខេត្តនៃមន្ទីរធនធានទឹក និង ឧតុនិយម ធ្វើការត្រួតពិនិត្យ និងជួសជុលស្ដារឡើងវិញជាបន្ទាន់នូវសំណង់ធារា សាស្ត្រទាំង ឡាយដែលរងការខូចខាតដោយជំនន់ទឹកភ្លៀង ដោយធ្វើយ៉ាងណារក្សាទឹកទុកឱ្យបានល្អ សម្រាប់ផ្គត់ផ្គង់ឱ្យកសិករប្រើ ប្រាស់ក្នុងវិស័យកសិកម្មនៅរដូវប្រាំង៕ សំរិត
