មិនថាយប់ឬថ្ងៃនោះទេ! គណៈបញ្ជាការឯកភាពខណ្ឌចំការមន បានចុះបង្ក្រាបកន្លែងលួចបេីកល្បែងស៊ីសងអេឡិចត្រូនិចនៅក្នុងសង្កាត់ទន្លេបាសាក់
ភ្នំពេញ៖នៅយប់ថ្ងៃទី០៥ ខែវិច្ឆិកា ឆ្នាំ២០២០នេះដោយមានការយកចិត្តទុកដាក់ខ្ពស់ពីសំណាក់លោក ថេង សុថុល អភិបាល នៃគណៈអភិបាលខណ្ឌចំការមន និង គោរពតាម អនុសាសន៍ របស់ឯកឧត្ដម ឃួង ស្រេង អភិបាលនៃគណៈអភិបាលរាជធានីភ្នំពេញគណៈបញ្ជាការឯកភាពខណ្ឌចំការមន ដឹកនាំដោយលោក កែវ សំណាង អភិបាលរងខណ្ឌចំការមន បានចុះបង្ក្រាបកន្លែងលួចបេីកល្បែងស៊ីសងអេឡិចត្រូនិចយីហោ មជ្ឈមណ្ឌលកំសាន្ត ហ៊ួយឈាវ ដែលស្ថិតនៅក្នុងមជ្ឈមណ្ឌលពាណិជ្ជកម្ម Golden Street ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ប្រតិបត្តិការនេះបានឃាត់ខ្លួន មនុស្សប្រុសស្រី ដែលជាបុគ្គលិក រួមជានឹងភ្ញៀវចូលលេង ចំនួន ១២នាក់ យកមកធ្វេីការអប់រំណែនាំដោយមានអាណាព្យាបាលមកធានាអោយត្រលប់ទៅវិញ ក្នុងនោះបានដកហូតទូរហ្គេមបាញ់ត្រីមួយចំនួន និងផ្អាកទីតាំងអាជីវកម្ម៕
