អាជ្ញាធរខណ្ឌបឹងកេងកង បន្តចលនាយុទ្ធនាការ ចែកម៉ាស់ជូនដល់បងប្អូនប្រជាជន នៅតាមដងផ្លូវក្នុងមូលដ្ឋាន
ភ្នំពេញ៖កាលពីព្រឹកថ្ងៃទី១៦ ខែវិច្ឆិកា ឆ្នាំ២០២០ នេះរដ្ឋបាលខណ្ឌបឹងកេងកង ដឹកនាំដោយ លោកគឹម ឈុនអ៊ូ ប្រធានក្រុមប្រឹក្សាខណ្ឌបឹងកេងកង និងលោកធឹម សំអាន អភិបាល នៃគណៈអភិបាលខណ្ឌបឹងកេងកង ,លោកស្រីស៊ិន រតនាអភិបាលរងខណ្ឌបឹងកេងកងនិងប្រធាន-អនុប្រធានការិយាល័យ ព្រមទាំងមន្ត្រីក្រោមឱវាទបានចូលរួមជាច្រើននាក់ទៀតផងដែរ។
អាជ្ញាធរមូលដ្ឋានខណ្ឌបឹងកេងកងបានអោយដឹងថា ការចុះចែកម៉ាស ដែលជាអំណោយដ៏ថ្លៃថ្លារបស់សម្តេចតេជោ នាយករដ្ឋមន្ត្រីនៃព្រះរាជាណាចក្រកម្ពុជា ចែកជូនដល់ដៃប្រជាជននៅក្នុងមូលដ្ឋាន និងនៅតាមដងវិថីនិងដងផ្លូវនានាដែលពួកគាត់ធ្វើដំណើរនៅតាមបណ្តោយមហាវិថីម៉ៅសេទុង ក្នុងមូលដ្ឋានខណ្ឌបឹងកេងកងនៃរាជធានីភ្នំពេញ។
ដូចនេះសូមបងប្អូនប្រជាជនចូលរួមគោរពតាមការណែនាំរបស់ក្រសួងសុខាភិបាល ដើម្បីចូលរួមបង្ការ និងទប់ស្កាត់ការឆ្លងជំងឺកូវីដ-១៩៕
