ស្លាប់១នាក់ ,របួសធ្ងន់១នាក់ ក្នុងគ្រោះថ្នាក់រថយន្តក្រឡាប់ចុះចំណោទត្រង់ចំណុចផ្លូវកោងដាច់ហ្វ្រាំង
កោះកុង៖ នៅថ្ងៃទី២១ ខែវិច្ឆិកា ឆ្នាំ២០២០ វេលាម៉ោង ១៨និង២៣នាទីយប់ មានករណីគ្រោះថ្នាក់ចរាចរណ៍កើតឡើង១លើកបង្កឡើងដោយខ្លួនឯង លើផ្លូវជាតិលេខ ៤៨ ចន្លោះគីឡូម៉ែត្រលេខ ១២៨-១២៩ ស្ថិតនៅភូមិអន្លង់វ៉ាក់ ឃុំតាតៃក្រោម ស្រុកកោះកុង បណ្តាលមកពីបើកលឿនចុះចំណោទត្រង់ចំណុចផ្លូវកោង ដាច់ហ្វ្រាំង ក្រឡាបធ្លាក់កាវផ្លូវ រថយន្តបង្កម៉ាក ហ៊ីយ៉ាន់ដាយ ប្រភេទរថយន្តស្ទូច ពណ៌ស ពាក់ផ្លាកលេខកំពង់ស្ពឺ 3A-1158 អ្នកបើបរមិនស្គាល់អត្តសញ្ញាណ (បានរត់គេចខ្លួនបាត់) រួមដំណើចំនួនចំនួន ៤នាក់ ស្លាប់ ១នាក់ ប្រុស របួសធ្ងន់ ២នាក់ប្រុស(មិនទានស្គាល់អត្តសញ្ញាណ)។
ក្រោយពេលកើតហេតុ កម្លាំងជំនាញអធិការដ្ឋាន សហការជាមួយកម្លាំងប៉ុស្តិ៍រដ្ឋបាលតាតៃក្រោម ចុះអន្តរាគមន៍កំពុងជួយសង្ក្រោះជនរងគ្រោះ បញ្ជូនទៅមន្ទីរពេទ្យបង្អែកខេត្តកោះកុង និងសាកសពជនរងគ្រោះកំពុងរង់ចាំបងប្អួនសាច់ញាតិ ធ្វើកំណត់ហេតុប្រគល់ធ្វើបុណ្យតាមប្រពៃណីជាតិ៕