មនុស្សប្រមាណ១៥៥នាក់ ត្រូវបានជម្លៀសទៅ កាន់ទីទួលសុវត្ថិភាពបន្ទាន់ ដោយសារទឹកជំនន់ក្នុងរដ្ឋជូហូរ ប្រទេសម៉ាឡេស៊ី

ស្កូទៃ៖ ប្រធានគណៈកម្មាធិការសុខភាពនិងបរិស្ថាន នៃរដ្ឋ Johor លោក R. Vidyananthan បាននិយាយថា ប្រជាជនប្រមាណ ១៥៥ នាក់មកពី ៤០ គ្រួសារ ត្រូវបានជម្លៀសចេញទៅកាន់ទីទួលសុវត្ថិភាពជាបន្ទាន់ ក្រោយកើតមានទឹកជំនន់ភ្លាមៗនៅតំបន់ចំនួនពីរក្នុងរដ្ឋ ។

តំបន់ទាំង២ ដែលរងគ្រោះដោយទឹកជំនន់គឺ ក្រុង Johor Baru មានជនរងគ្រោះ ១៤៤ នាក់ និងសង្កាត់ Pontian មានជនរងគ្រោះចំនួន ១១ នាក់ ។ នេះបើតាមការបញ្ជាក់របស់លោក R. Vidyananthan ដែលបានចេញផ្សាយដោយសារព័ត៌មាន The Star នៅថ្ងៃទី២៣ ខែវិច្ឆិកា ឆ្នាំ២០២០ ។