កន្លែងមួយចំនួនដែលស្ត្រីឈ្មោះ ជី ពេជ្រធារ៉ា មានវិជ្ជមានវីរុសកូវីដ ១៩ បានធ្វើដំណើរទៅ
ភ្នំពេញ៖ មន្ត្រីជំនាញបានបញ្ចេញរបាយការណ៍ ដែលស្ត្រីឈ្មោះ ជី ពេជ្រធារ៉ា ដែលឆ្លងវីរុសកូវីដ ១៩ បានធ្វើដំណើរទៅតាមគោលដៅមួយចំនួន : កន្លែងលក់ម្ហូបក្បែរវត្តសន្សំកុសល (ផ្សារបឹងទំពុន) របស់ឈ្មោះ សាយ សៅលាង។
ក្នុងនោះ ដូចជា បបរកង្កែប Gylang នៅចំណុចបឹងកេងកង១ នៅថ្ងៃទី២៧ វិច្ឆិកា ២០២០, ភោជនីយដ្ឋាន Latifang បន្ទប់លេខ ២៦ នៅថ្ងៃទី២៨ វិច្ឆិកា ២០២០ ចន្លោះម៉ោង ១៨:៣០-២០:៣០នាទី , Sky Bar Landturn នៅសណ្ឋាគារ Green Hotel កាលពីថ្ងៃទី២៨ វិច្ឆិកា ២០២០ ចន្លោះម៉ោង ២០:៣០-២១:៣០នាទី ស្ថិតនៅបឹងកេងកង១។ ហាងលក់សម្ភារៈកីឡា Hong Store ផ្លូវមុន្នីវង្សកាលពីថ្ងៃទី២៩ វិច្ឆិកា ២០២០, KOI និង Zando នៅ Eden Garden កាលពី ថ្ងៃទី២៩ វិច្ឆិកា ២០២០, អគ្គនាយកដ្ឋានរដ្ឋបាល ក្រសួងមហាផ្ទៃ កាលពីថ្ងៃទី៣០ វិច្ឆិកា ២០២០។ សូមបញ្ជាក់ថា ផ្ទះរបស់ ជី ពេជ្រធារ៉ាផ្ទះលេខM០១ ផ្លូវលេខ២ ភូមិ៣ សង្កាត់ចាក់អង្រែលើ ខណ្ឌមានជ័យ ភ្នំពេញ ។
ស្ត្រីជនជាតិខ្មែរឈ្មោះ ជី ពេជ្រឆារ៉ា អាយុ ២៩ឆ្នាំ មាន អាសយដ្ឋានស្នាក់នៅសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ស្ត្រីរូបនេះជាមន្ត្រីរាជការនៅក្រសួងមហាផ្ទៃ បានចូលក្នុងហាង Zendo បឹងកេងកងនៅថ្ងៃទី ២៧ ខែវិច្ឆិកា ឆ្នាំ២០២០ នៅម៉ោង២០និង៣០នាទីយប់ (ដោយមិនបានការពារត្រឹមត្រូវ)។
លទ្ធផលធ្វើតេស្តវត្ថុសំណាករបស់បុគ្គលខាងលើនេះ ផ្តល់ដោយវិទ្យាស្ថានប៉ាស្ទ័រកម្ពុជា រាជធានីភ្នំពេញ គឺ វិជ្ជមាន វីរុសកូវីដ-១៩ ហើយបច្ចុប្បន្នអ្នកជំងឺត្រូវបានដាក់ឲ្យសម្រាក ព្យាបាលនៅមណ្ឌលសុខភាពចាក់អង្រែ រាជធានីភ្នំពេញ។
លទ្ធផលធ្វើតេស្តអ្នកប៉ះពាល់ក្នុង “ ព្រឹត្តិការណ៍សហគមន៍ ២៨វិច្ឆិកា នៅថ្ងៃទី៦ខែធ្នូឆ្នាំ២០២០ វត្ថុសំណាកដែលនៅសល់ពីថ្ងៃទី៥ខែធ្នូឆ្នាំ២០២០ ចំនួន១០៧សំណាក បូកបន្ថែមចំនួនវត្ថុសំណាកទទួលបានបន្ថែមនៅថ្ងៃដដែលពីខេត្ត និងរាជធានីភ្នំពេញ សរុប មានចំនួន ៥២៣សំណាក ត្រូវបានធ្វើវិភាគដោយវិទ្យាស្ថានប៉ាស្ទ័រកម្ពុជា គឺមានលទ្ធផល វិជ្ជមានវីរុសកូវីដ-១៩ ថ្មី ចំនួន ២នាក់ (ដែលជាអ្នកជំងឺខាងលើនេះ) ។ ដោយឡែក មាននៅសល់វត្ថុសំណាកចំនួន ២២៨សំណាកផ្សេងទៀត ដែលត្រូវវិភាគបន្តនៅថ្ងៃទី៧ ខែធ្នូ ឆ្នាំ២០២០។
គិតពីថ្ងៃទី២៩ ខែវិច្ឆិកា ដល់ថ្ងៃទី៦ ខែធ្នូ ឆ្នាំ២០២០ ក្រសួងសុខាភិបាល បានធ្វើតេស្តអ្នកប៉ះ ពាល់សរុបទាំងអស់បានចំនួន ១១,៣០៥សំណាក ដែលនៅក្នុងចំនួននេះ មានអ្នកវិជ្ជមានវីរុសកូវីដ-១៩ ថ្មី សរុបចំនួន ៣២នាក់ ដែលកំពុងសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត និងមណ្ឌលសុខ ភាពចាក់អង្រែ។
ម្យ៉ាងវិញទៀត សូមអ្នកប៉ះពាល់ទៅនឹង “ព្រឹត្តិការណ៍សហគមន៍ ២៨វិច្ឆិកា” ទាំងអស់ អញ្ជើញទៅ ធ្វើតេស្តជាលើកទី២ នៅថ្ងៃទី៧ ខែធ្នូ ឆ្នាំ២០២០ ដែលក្រសួងសុខាភិបាល នឹងរៀបចំទីតាំងនៅបរិវេណ ក្រសួងមហាផ្ទៃ សម្រាប់បុគ្គលិក-មន្ត្រីរាជការស៊ីវិល និងនៅថ្ងៃទី៨ ខែធ្នូ ឆ្នាំ២០២០ ដែលក្រសួងសុខាភិបាល នឹងរៀបចំទីតាំងនៅបរិវេណពហុកីឡដ្ឋានជាតិអូឡាំពិច រាជធានីភ្នំពេញ សម្រាប់បងប្អូនប្រជា ពលរដ្ឋដែលជាអ្នកប៉ះពាល់ និងនៅតាមមន្ទីរសុខាភិបាលរាជខេត្ត (ដែលទទួលខុសត្រូវក្នុងការរៀបចំទី កន្លែងនៅពេលនោះ សម្រាប់អ្នកពាក់ព័ន្ធនៅតាមខេត្ត)៕