ផឹកស៊ីស្រាថ្នាំ ជាមួយគ្នា ទាស់ពាក្យសម្ដីបន្តិចបន្តួត ទាញដាវកាប់លើភាគីម្ខាងទៀត ស្ទើរដាច់សង្ខា
អធិការដ្ឋាននគរបាលស្រុកមេមត់ បានឱ្យដឹងថា ថ្ងៃទី៧ ខែសីហា ឆ្នាំ២០១៨ វេលាម៉ោង ១៣ និង ៣០ នាទី មានករណីហឹង្សាដោយមានស្ថានទម្ងន់ទោស មួយកើតឡើង ត្រង់ចំណុចភូមិរំចេក ឃុំរំចេក ស្រុកមេមត់ ខេត្តត្បូងឃ្មុំ ដែលបង្កដោយឈ្មោះ ស៊ឹម វ៉ាត ភេទប្រុស អាយុ៣៤ឆ្នាំ ជនជាតិខ្មែរ នៅភូមិ ឃុំកើតហេតុខាងលើ បានធ្វើសកម្មភាពយកដាវមុខមុតស្រួច កាប់ទៅលើជនរងគ្រោះឈ្មោះ ឃុន ខាន ភេទប្រុស អាយុ ២៦ ឆ្នាំ ជាតិខ្មែរ រស់នៅភូមិឃុំជាមួយគ្នា សន្លប់បាត់ស្មារតីក្នុងថ្លុកឈាមបណ្ដាលឲ្យរងរបួសធ្ងន់ រួចរត់គចេកខ្លួនបាត់ ដោយបន្សល់ទុកដាវ ០១ ដើម នៅកន្លែងកើតហេតុ ។
ក្រោយពីទទួលបានព័ត៌មានភ្លាម កម្លាំងប៉ុស្តិ៍នគរបាលរដ្ឋបាលរំចេកបានចុះទៅដល់កន្លែងកើតហេតុ ដោយធ្វើការពិនិត្យ និងបន្តធ្វើការស្រាវជ្រាស្វែងរកចាប់ខ្លួនជនល្មើស រហូតដល់ម៉ោង ១៨ និង ៣០ នាទីថ្ងៃខែឆ្នាំដដែល កម្លាំងយើងបានឃាត់ខ្លួនជនសង្ស័យនៅចំណុចវាលស្រែ ស្ថិតនៅភូមិមេ សរ ឃុំទឹកជ្រៅ ស្រុកតំបែរ ខេត្តត្បូងឃ្មុំ ដោយមានការសហការជាមួយសហការជាមួយកំលាំងប៉ុស្តិ៍នគរបាលរដ្ឋបាលទឹកជ្រៅ និងកម្លាំងប្រជាការពារឃុំទឹកជ្រៅ នៅចំណុចវាលស្រែលើផ្លូវលំ ស្ថិតក្នុងភូមិមេសរ ឃុំទឹកជ្រៅ ស្រុកតំបែរ ខេត្តត្បូងឃ្មុំ ហើយបញ្ជូនមកអធិការដ្ឋាននគរបាលស្រុកមេមត់ ធ្វើការសាកសួរដើម្បីកសាងសុំណុំរឿង ។
បច្ចុប្បន្នជនល្មើសឈ្មោះ ស៊ឹម វ៉ាត ភេទប្រុស ត្រូវបានកម្លាំងនគរបាលយុត្តិធម៌ នៃអធិការដ្ឋាននគរបាលស្រុកមេមត់ កសាងសំណុំរឿង ព្រមទាំងវត្ថុតាងដាវមុខមុតស្រួច បញ្ជូនទៅសាលាដំបូងខេត្តត្បូងឃ្មុំ ដើម្បីផ្តន្ទាទោសតាមនិតិវិធី ។
សូមបញ្ជាក់ជូនថា ៖ ចំពោះជនរងគ្រោះ បន្ទាប់ពីរងរបួសធ្ងន់ត្រូវបាន ក្រុមគ្រួសារបញ្ជូនទៅ សង្គ្រោះបន្ទាន់នៅមន្ទីរពេទ្យបង្អែកស្រុកឆ្លូង ខេត្តក្រចេះ ៕