អនុសាខាកាកបាទក្រហម ខណ្កខណ្ឌចំការមន អំណោយមនុស្សធម៌ជូនពលរដ្ឋក្រីក្រ២០គ្រួសារ នៅក្នុងសង្កាត់ផ្សារដើមថ្កូវ
ភ្នំពេញ៖ អនុសាខាកាកបាទក្រហមខណ្ឌចំការមន កាលពីព្រឹកថ្ងៃទី១៥ខែធ្នូ ឆ្នាំ២០២០នេះបានរៀបចំពិធីចែកអំណោយមនុស្សធម៌ជូនដល់ក្រុមគ្រួសារប្រជាជនក្រីក្រចំនួន ២០គ្រួសារ ដែលរស់នៅក្នុងសង្កាត់ផ្សារដើមថ្កូវខណ្ឌចំការមន រាជធានីភ្នំពេញ។
ពិធីចែកអំណោយនាពេលនេះប្រព្រឹត្តក្រោមអធិបតីភាពលោក ថេង សុថុល ប្រធានអនុសាខាកាកបាទក្រហមកម្ពុជាខណ្ឌចំការមន និងលោក ព្រុំ សំខាន់ ប្រធានកិត្តិយសអនុសាខាកាកបាទក្រហមកម្ពុជាខណ្ឌចំការមនព្រមទាំងចៅសង្កាត់ផ្សារដើមថ្កូវ។
ចំពោះអំណោយចែកជូនប្រជាជនទីទ័លនាពេលថ្ងៃនេះដោយក្នុងមួយ០១គ្រួសារៗទទួលបានអង្ករ, ទឹកត្រី, ទឹកស៊ីអ៉ីវ, ត្រីខកំប៉ុង,ស្កសរ, សាប៊ូ, ម៉ាស, ទឹកអាកុល, ទឹកដោះគោ, មី និងថវិកាមួយចំនួនផងដែរ។
ឆ្លៀតក្នុងឱកាសនោះដែរលោកថេង សុថុល អភិបាលខណ្ឌចំការមនដោយបានមានមតិលើកឡើងដោយស្នើរដល់បងប្អូនប្រជាជនសូមថែរក្សាធ្វើអនាម័យខ្លួនប្រាណអោយបានស្អាតត្រឹមត្រូវជានិច្ចពោលគឺរស់នៅស្អាត ហូបស្អាតព្រមទាំងប្រើប្រាស់ពាក់ម៉ាសការពារអោយបានត្រឹមត្រូវនិងជាប្រចាំពិសេសពេលធ្វើដំណើរចេញក្រៅផ្ទះហើយត្រូវរក្សាគន្លាតគ្នាអោយបានយ៉ាងតិច១,៥០ម៉ែត្រដោយអនុវត្តន៍តាមការណែនាំរបស់ក្រសួងសុខាភិបាល។ដូចនេះយើងត្រូវចូលរួមប្រយុទ្ធប្រឆាំងមេរោគកូវីដ១៩តាមការណែនាំរបស់ក្រសួងសុខាភិបាល៕