អគ្គីភ័យឆាប់ឆេះ ឃ្លាំងផ្ទុកសម្ភារៈរបស់សុខសាន្តរីហ្សត នៅភូមិសុខសាន្ត ក្រុងកោះរ៉ុង
(ខេត្តព្រះសីហនុ)៖ សមត្ថកិច្ចអាវុធហត្ថក្រុងកោះរ៉ុងបានប្រាប់ឱ្យដឹងថា នៅវេលាម៉ោង៣:១៥នាទីទៀបភ្លឺ ឈានចូលថ្ងៃទី១៦ ខែធ្នូ ឆ្នាំ២០២០ កម្លាំងមូលដ្ឋានអាវុធហត្ថក្រុងកោះរ៉ុង ដឹកនាំដោយលោក អនុសេនីយ៍ឯក ហេង សំអឿន ចុះជួយពន្លត់អគ្គីភ័យដែលបានឆាបឆេះ០១បានកេីតឡេីងស្ថិតនៅភូមិសុខសាន្ត សង្កាត់កោះរ៉ុង ក្រុងកោះរ៉ុង ខេត្តព្រះសីហនុ ចំណុចឃ្លាំងផ្ទុកសម្ភារៈរបស់សុខសាន្តរីហ្សត ឆេះមានទំហំ ១៥ម៉ែត្រ គុណនិង ៣០ម៉ែត្រ ធ្វើពីឈើប្រក់ស័ង្កសី មានម្ចាស់ឈ្មោះ អ្នកឧកញ៉ា គិត ម៉េង ក្នុងនោះខូចខាតសម្ភារៈមានដូចជា៖
-ឡានឆែរឡែត ចំនួន ១គ្រឿង
-ម៉ាសុីនអូប័រ២៥០សេសចំនួន ២គ្រឿង
-ម៉ាសុីនត្រជាក់ចំនួន ៥គ្រឿង
-ទូរទឹកកកតូច ៤គ្រឿង
-ម៉ាសុីនស្វាន ២គ្រឿង
-ខ្សែភ្លេីង ដងហ្វា តុកៅអី កង្ហារនិងសម្ភារះមួយចំនួនផ្សេងៗទៀត។
ខូចខាតសម្ភារះទាំងស្រុង ក្នុងករណីអគ្គីភ័យខាងលើនេះមិនគ្រោះថ្នាក់ដល់មនុស្សទេមូលហេតុនៃការឆេះ កម្លាំងកំពុងធ្វើការស្រាវជ្រាវ និងអគ្គីភ័យរលត់ទាំងស្រុងទៅវិញនៅវេលាម៉ោង៧:០០នាទីព្រឹក ថ្ងៃដដែរ៕
