អភិបាលខណ្ឌចំការមន ជួបសំណេះសំណាល ជាមួយប្រជាជនពេលចុះពិនិត្យការដ្ឋានដាក់លូផ្លូវលេខ៤៩០
ភ្នំពេញ៖ កាលពីព្រឹកថ្ងៃទី១៦ខែធ្នូឆ្នាំ២០២០នេះ រដ្ឋបាលខណ្ឌចំការមន ដឹកនាំដោយលោក ថេង សុថុល អភិបាល នៃគណៈអភិបាលខណ្ឌចំការមន បានអញ្ជើញចុះជួបសំណេះសំណាលជាមួយបងប្អូនប្រជាពលរដ្ឋ ដែលរស់នៅអមសងខាងផ្លូវលេខ៤៩០ សង្កាត់ផ្សារដេីមថ្កូវ ដើម្បីផ្សព្វផ្សាយ និង ពិភាក្សាអំពីការដាក់ប្រព័ន្ធលូថ្មី នៅផ្លូវខាងលេី ក្នុងការរំដោះទឹកជំនន់ដោយទឹកភ្លៀងនារដូវវស្សាពីផ្លូវថ្នល់និងលំនៅស្ថានប្រជាជននៅទីនោះផងដែរ។ហើយការងារនេះដោយមានការចូលរួមពីគណៈអភិបាលរងខណ្ឌ, លោកនាយក-នាយករងរដ្ឋបាលខណ្ឌ, ការិយាល័យពាក់ព័ន្ធ , រដ្ឋបាលសង្កាត់ផ្សារដើមថ្កូវ និងបងប្អូនប្រជាជនគាត់ចូលរួមស្ថាប់និងគាំទ្រគម្រោងដាក់ប្រព័ន្ធលូមេថ្មីខាងលើនោះផងដែរ។
ជាមួយគ្នានោះផងដែរ លោកអភិបាលខណ្ឌចំការមន ថេង សុថុល បានមានមតិលើឡើងដោយសូមអោយបងប្អូនត្រូវរក្សាអនាម័យ ,ពាក់ម៉ាស និង បាញ់ទឹកអាកុលឬជែល ដើម្បីចូលរួមបង្ការ និងទប់ស្កាត់នៃការរីករាលដាល នៃជំងឺកូវីដ-១៩ និងបានចែកម៉ាសរបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដល់បងប្អូនប្រជាពលរដ្ឋទុកយកទៅប្រើប្រាស់ផងដែរ៕