បុរសម្នាក់ត្រូវបានសមត្ថកិច្ចឃាត់ខ្លួន បន្ទាប់ពីជនសង្សយ័រូបនេះ យកកាំបិតកាប់ បុរសម្នាក់ឲ្យរងរបួស
ព្រះសីហនុ៖បុរសម្នាក់ត្រូវបានសមត្ថកិច្ចឃាត់ខ្លួន បន្ទាប់ពីជនសង្សយ័រូបនេះ យកកាំបិតកាប់ បុរសម្នាក់ឲ្យរងរបួសត្រង់ទ្រូង ក្នុងជម្លោះហឹង្សាជាមួយគ្នា កាលពីថ្ងៃត្រង់ថ្ងៃទី១៧ ខែធ្នូ ឆ្នាំ២០២០ ។
នេះបើតាមសមត្ថកិច្ចបញ្ជាក់ថា ជនសង្សយ័ឈ្មោះ ទង ណៃ ភេទប្រុស អាយុ២១ឆ្នាំមានទីលំនៅក្នុងភូមិថ្មី ឃុំកំពង់សីលា ស្រុកកំពង់សីលា ខេត្តព្រះសីហនុ ចំណែកជនរងគ្រោះមានឈ្មោះ ឡេង សុខា ភេទប្រុស អាយុ២៩ឆ្នាំ មានទីលំនៅក្នុងភូមិថ្មី ឃុំកំពង់សីលា ស្រុកកំពង់សីលា ខេត្តព្រះសីហនុ។
ក្រោយពេលកើតហេតុកម្លាំងកងរាជអាវុធហត្ថស្រុកកំពង់សីលា សហការជាមួយកម្លាំងអធិការដ្ឋាននគរបាលស្រុកកំពង់សីលា ឃាត់ខ្លួនជនសង្ស័យ នាំយកទៅកាន់អធិការដ្ឋាននគរបាលស្រុកកំពង់សីលា ដើម្បីដោះស្រាយបន្តតាមនិតិវិធីច្បាប់ ចំណែកអ្នករបួសបញ្ជូនទៅព្យាបាលនៅមន្ទីរពេទ្យស្រុកស្រែអំបិលខេត្តកោះកុង៕
