កម្មវិធីប្រគល់-ទទួល កុំព្យូទ័រយួរដៃ និងម៉ាសុីនបញ្ចាំងស្លាយ សម្រាប់គាំទ្រការអនុវត្តកម្មវិធី អប់រំសុខភាពបន្តពូជ និងសុខភាពផ្លូវភេទ
រាជធានីភំ្នពេញ៖ កុំព្យូទ័រយួរដៃ ចំនួន២៤គ្រឿង និងម៉ាសុីនបញ្ចាំងស្លាយចំនួន០៦គ្រឿង ដែលជាអំណោយឧបត្ថម្ភដោយអង្គការមូលនិធិសហប្រជាជាតិសម្រាប់ប្រជាជន (United Nations Population Found-UNFPA ) ជូនដល់ក្រសួងអប់រំ យុវជន និងកីឡា សម្រាប់គាំទ្រការអនុវត្តកម្មវិធី អប់រំសុខភាព សុខភាពបន្តពូជ និងសុខភាពផ្លូវភេទ។
កម្មវិធីនេះ បានប្រព្រឹត្តទៅក្រោមអធិបតីភាព ឯកឧត្ដមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា ព្រមទាំងវត្តមានលោក Daniel Alemu តំណាងអង្គការ UNFPA និងថ្នាក់ដឹកនាំ មន្ត្រីអប់រំជាច្រេីនរូប។
សូមជម្រាបថា សម្ភារៈបច្ចេកវិទ្យាទាំងអស់ ត្រូវបានប្រគល់ជូន អគ្គនាយកដ្ឋានយុវជន នាយកដ្ឋានសុខភាពសិក្សា វិទ្យាស្ថាន មជ្ឈមណ្ឌល និងសាលាគរុកោសល្យ ដេីម្បីប្រេីប្រាស់ ជំរុញប្រសិទ្ធភាពការងារកាន់តែប្រសេីរឡេីង៕
