ការវាយប្រហារអាកាសយានដ្ឋាន Cowenly ‘Aden ប្រទេសយេមែនសម្លាប់មនុស្ស២៧នាក់និងច្រើននាក់រងរបួសធ្វើឱ្យមានការថ្កោលទោសក្នុងតំបន់និងពិភពលោក

យេម៉ែន៖ ការវាយប្រហារដោយគ្រាប់រ៉ុក្កែត និងកាំភ្លើងទៅលើអាកាសយានដ្ឋាន Aden ក្នុងប្រទេសយេម៉ែន ដែលផ្តោតលើរដ្ឋាភិបាល ដែលបានបង្កើតថ្មីរបស់ប្រទេសនេះ និងបានសម្លាប់មនុស្សរាប់សិបនាក់ បានធ្វើឱ្យមានការថ្កោលទោស ជាសកលពីឥស្សរជន នយោបាយអ្នកការទូត និងតំណាងអង្គការមិនមែន រដ្ឋាភិបាល នេះបើយោងតាមការចេញផ្សាយ ដោយសារព៍ត័មានArab news ចុះផ្សាយនាថ្ងៃទី ៣១ ធ្នូរ ឆ្នាំ ២០២០ នេះ។
នៅក្នុងហេតុការណ៍ដ៍អាក្រក់នេះ សហរដ្ឋអាមេរិកក៏បានថ្កោលទោស ចំពោះឧប្បត្តិហេតុនេះដែរ ដោយនិយាយថា ការវាយប្រហារជាថ្មីម្តងទៀត បង្ហាញពីចេតនាព្យាបាទរបស់អ្នកដែលព្យាយាម ធ្វើឱ្យមានអស្ថិរភាពនៅ ក្នុងប្រទេសហើយការវាយប្រហារបែបនេះ នឹងមិនធ្វើឱ្យអន្តរាយដល់ ការស្វែងរកសន្តិភាពយូរអង្វែង សម្រាប់ប្រជាជនយេម៉ែនឡើយ។ សេចក្តីថ្លែងការណ៍របស់ក្រសួងការបរទេសអាមេរិកបានបន្ថែមថា សហរដ្ឋអាមេរិកគាំទ្ររដ្ឋាភិបាល ស្របច្បាប់។ទាំង Emirat of Kuwait និងអគ្គលេខាធិការ នៃក្រុមប្រឹក្សាសហប្រតិបត្តិការឈូងសមុទ្រ (GCC) ក៏បានថ្កោលទោស ចំពោះការវាយប្រហារនេះដែរ ខណៈដែលរដ្ឋមន្រ្តីអេមីរ៉ាតរបស់លោក Anwar Gargash បាននិយាយថា ការវាយប្រហារលើអាកាសយានដ្ឋាន គឺជាការវាយប្រហារ ទៅលើកិច្ចព្រមព្រៀងរីយ៉ាដនិង“ ទស្សនវិស័យសម្រាប់សន្តិភាព និងស្ថិរភាពនៅយេម៉ែន។ ចំណែកឯលោក Michael Aron ឯកអគ្គរដ្ឋទូតអង់គ្លេសប្រចាំ នៅប្រទេសយេម៉ែនបានសរសេរថា“ ខ្ញុំសូមថ្កោលទោស ចំពោះការវាយប្រហារ ដ៏កំសាកនៅលើអាកាសយានដ្ឋាន Aden ដែលត្រូវនឹងពេលវេលា នៃការមកដល់នៃរដ្ឋាភិបាលថ្មី។
សុមបញ្ជាក់ថា យ៉ាងហោចណាស់មនុស្ស ២៧ នាក់ត្រូវបានសម្លាប់នៅ ក្នុងការវាយប្រហារដោយ រ៉ុក្កែតនៅប្រទេសយេម៉ែន ដែលរដ្ឋមន្រ្តីក្រសួងព័ត៌មានយេម៉ែន បានសន្មតថាធ្វើឡើង ដោយក្រុមHouthis គាំទ្រដោយអ៊ីរ៉ង់។