មន្ទីរទេសចរណ៏ ខេត្ដកណ្ដាលអំពាវនាវដល់ ភ្ញៀវជាតិ អន្ដរជាតិទៅកម្សាន្ដតំបន់ ប្រវត្ដសាស្ដ្រ ភ្នំទំពែក ស្ថិតនៅទឹកដីខេត្ដកណ្ដាល
កណ្ដាល៖ បើយោងតាមប្រភពសៀវភៅHeritages Dairy-បេតិកភណ្ឌជាតិ របស់មន្ទីរទេសចរណ៏ ខេត្ដកណ្ដាល ដែលបានផ្សព្វផ្សាយជាសាធារណៈនៅ ដើមឆ្នាំ២០២១នេះឲ្យដឹងថា ភ្នំទំពែកមិនមានរុក្ខជាតិដុះនៅផ្នែកខាងត្បូងភ្នំ ឈ្មោះនេះ គេហៅតៗគ្នាតាំងពីបុរាណកាល មក ។ ភ្នំទំពែក តំបន់ទេសចរណ៏ប្រវត្ដ សាស្ដ្រនេះ ស្ថិតនៅភាគខាងត្បូង នៃខេត្ដកណ្ដាល គឺឃុំ ក្រាំងយ៉ូវ ស្រុកស្អាង ។
តាមប្រភពរបស់មន្ទីរទេសចរណ៏ដដែលបានបញ្ជាក់ថា៖ ពីដើមចាស់ៗហៅថា ភ្នំពេជ្រ ភ្នំកែវ ភ្នំពេជ្រស្ថិតនៅខាងត្បូង ហើយនៅលើភ្នំនេះ មានបារមីលោកតាស័ក្តិប្រាំដ៏ស័ក្តសិទ្ធិ។ ភ្នំកែវនៅខាងជើង និង នៅផ្នែកនេះ មានរូងភ្នំប្រវត្តិសាស្ត្រ(បច្ចុប្បន្នបិទជិត) ព្រះវិហារកសាងឆ្នាំ១៩១៦ ប្រាសាទសសរ មួយកសាងឆ្នាំ១៩៩៥ បារមីជំទាវបីរូបរួមមាន សបុផ្ឆា ចន្ទក្រឺស្នា ស្រីខ្មៅ និងបារមីលោកតាមាស។ ជីវៈចម្រុះនៅភ្នំទំពែកមាន ដើមស្លែង ក្រឡាញ់ ត្របែកព្រៃរកា និងសត្វសារិកាកែវ រលកស្កា។ ទាមទារការសិក្សាបន្ថែម នៅជើងភ្នំមាន រូបសំណាកសាវកៈបិណ្យ បាត រាប់រយ សួនអាពាហ៍ពិពាហ៍ នៅឃុំក្រាំងយ៉ូវ និងសាលាបឋមសិក្សា ចាន់ អែម ដែលបច្ចុប្បន្នអភិវឌ្ឍន៍ ទៅជាសាលាបឋមសិក្សា ហ៊ុន សែន ភ្នំទំពែក ។ នៅឃុំក្រាំងយ៉ូវមានតែភ្នំទំពែកមួយគត់។ ដីវត្តមានទំហំ ១៣ហិកតា បានចុះបញ្ជីជាដីរដ្ឋរួចហើយ។
ក្រុមការងារបានថតនៅខែធ្នូ ឆ្នាំ២០២០ ដើម្បីជម្រាប ជូនអ្នកអានឱ្យស្គាល់សក្តានុពលជាច្រើន នៃភ្នំទំពែក ដែលស្ថិតនៅភូមិស្វាយដំណាក់ ឃុំក្រាំងយ៉ូវ ស្រុកស្អាង ខេត្តកណ្ដាល។
សូមបញ្ជាក់ថា៖ ពាក់ព័ន្ធនឹង ភ្នំទំពែកនេះ គឺដក ស្រង់និងយោងតាមប្រភពHeritages Dairy-បេតិក ភណ្ឌជាតិ ដែលបានផ្សព្វផ្សាយ ជាសាធារណៈ ដើម្បីទាក់ទាញ ភ្ញៀវទេសចរណ៏ជាតិ និងអន្ដរជាតិចូលទៅ ទស្សនា៕ . សំរិត