ឃុំខ្លួនជនជាប់ចោទម្នាក់ ករណីប្រទូស្ដកេរខ្មាស លូកឆ្កឹះជើងមុង ជនរងគ្រោះតាមបង្អួច និង ទាញសម្រាតជើងខោជនរងគ្រោះ ក្នុងគោលបំណងមើលប្រដាប់ភេទ
កណ្តាល៖ តុលាការខេត្តកណ្តាលបានឃុំខ្លួនជនជាប់ចោទម្នាក់ករណីប្រទូស្ដកេរខ្មាស ដោយបានមកធ្វើសកម្មភាពយកទុយោជ័ររឹងលូកឆ្កឹះជើងមុង ជនរងគ្រោះតាមបង្អួច និង ទាញសម្រាតជើងខោជនរងគ្រោះ ក្នុងគោលបំណងមើលប្រដាប់ភេទរបសជនរងគ្រោះ ។
ករណីនេះកើតហេតុថ្ងៃទី១២ ខែ មករា ឆ្នាំ ២០២១ វេលាម៉ោង ៣ និង ៤០ នាទី ទៀបភ្លឺចំណុចភូមិ ភ្នំ ឃុំ ផ្សារដែក ស្រុក ពញាឮ ខេត្តកណ្តាល។
ជនរងគ្រោះឈ្មោះ( ហ ធ ត )ភេទ ស្រី អាយុ ១២ឆ្នាំជនជាតិ ខ្មែរ មុខរបរ សិស្ស មានទីលំនៅភូមិភ្នំ ឃុំ ផ្សារដែក ស្រុក ពញាឮ ខេត្ត កណ្តាល។
ជនសង្ស័យ ឈ្មោះ ជា សុខា ហៅ ឡិន ភេទ ប្រុស អាយុ ២៩ឆ្នាំ ជនជាតិ ខ្មែរ មុខរបរ មិនពិតប្រាកដ មានទីលំនៅភូមិភ្នំ ឃុំ ផ្សារដែក ស្រុក ពញាឮ ខេត្ត កណ្តាល។
បើតាមនគរបាលបញ្ជាក់ពី សភាពរឿងហេតុនេះថា នៅមុនកើតហេតុថ្ងៃទី ពុំចាំ ក្នុងខែ មករា ឆ្នាំ ២០២១ ជនសង្ស័យឈ្មោះ ជា សុខា ហៅឡិន បានធ្វើសកម្មភាពចូលក្នុងផ្ទះរបស់ជនរងគ្រោះ ហើយដើរទៅកន្លែងជនរងគ្រោះ ដេក រួចហើយជនសង្ស័បានលូកដៃតាមជើងមុងទៅប្រឡេះឡេវអាវជនរងគ្រោះ បានចំនួន០២ឡេវ ភ្លាម
នោះដែរជនរងគ្រោះក៏បានភ្ញាក់ ហើយជនសង្ស័យក៏រត់គេចខ្លួនចេញទៅបាត់ទៅ។ លុះមកដល់ថ្ងៃទី ១២ ខែ មករា ឆ្នាំ ២០២១វេលាម៉ោង ៣ និង ៤០ នាទី ជនសង្ស័យឈ្មោះ ជា សុខា ហៅ ឡិន បានមកធ្វើសកម្មភាពយកទុយោជ័ររឹងលូកឆ្កឹះជើងមុង ជនរងគ្រោះតាមបង្អួច និង ទាញសម្រាតជើងខោជនរងគ្រោះ ក្នុងគោលបំណងមើលប្រដាប់ភេទរបសជនរងគ្រោះ ខណះពេលនោះ ជនរងគ្រោះបានស្រែកថា៖ អាឡិនៗ មួយរំពេចនោះជនសង្ស័យបានរត់ចូលក្នុងផ្ទះរបស់ខ្លួនវិញ។ បន្ទាប់មកជនរងគ្រោះ បាននិយាយរឿងហេតុខាងលើប្រាប់ម្តាយ រួចមកម្ដាយរបស់ជនរងគ្រោះបានដាក់ពាក្យបណ្តឹងនៅប៉ុស្តិ៍នគរបាលរដ្ឋបាលផ្សារដែក ចុះទៅកន្លែងកើតហេតុស្រូវជ្រាវនាំខ្លួនជនសង្ស័យឈ្មោះ ជា សុខា ហៅ ឡិន មកអធិការដ្ឋាននគរបាលស្រុកពញាឮ និងមានការសម្របសម្រួលនីតិវិធី ឲ្យឃាត់ខ្លួនជនសង្ស័យ ពីលោក ព្រះរាជអាជ្ញារងឯក ស៊ុនរស្មី អមសាលាដំបូងខេត្តកណ្តាលតាមរយៈ ដើម្បីបន្តចាត់ការតាមនីតិវិធី៕