ដំណាំកសិកម្មនៅសំរោងឫស្សី ក្នុងស្រុកថ្មគោល បាត់ដំបង បានចុះកិច្ចព្រមព្រៀងជាមួយក្រុមហ៊ុនជប៉ុនផលិតបន្លែសរីរាង្គ ដើម្បីលក់ទៅកាន់ផ្សារទំនើប
បាត់ដំបង៖ សូមបងប្អូនទៅទិញ បន្លែធម្មជាតិ នៅផ្សារអីអន ។ កសិកម្មសំរោងឫស្សីនៅស្រុកថ្មគោលខេត្តបាត់ដំបង បានចុះកិច្ចព្រមព្រៀងគ្នា ជាមួយក្រុមហ៊ុនជប៉ុនផលិតបន្លែសរីរាង្គ ដើម្បីលក់ទៅកាន់ផ្សារទំនើប អ៊ីអនភ្នំពេញ ដែលនេះជាការលើកទឹកចិត្តឱ្យកសិករផលិត បានកាន់តែច្រើន។
លោក ប៉ុញ ឧត្តម អនុប្រធានមន្ទីរកសិកម្មរុក្ខា ប្រមា ញ់និងនេសាទ ខេត្តបាត់ដំបង បានឱ្យដឹងនៅថ្ងៃ១៤ មករានេះថា៖ តាមរយៈការធ្វើកិច្ច សន្យាកសិកម្មរវាងសហគមន៍ដាំបន្លែ និងក្រុមហ៊ុនជប៉ុននេះ គឺបានធ្វើឱ្យសហគមន៍ទទួលបានផលប្រយោជន៍ច្រើន ក្នុងការផលិតបន្លែសរីរាង្គ មានដូចជា បន្លែស្លឹក និងបន្លែយកមើម ដើម្បីឆ្លើយតបទៅនឹងតម្រូវ ការចង់ បានរបស់ក្រុម ហ៊ុន ហើយរក្សាតម្លៃថែម ទៀតផង ។
លោកបានបន្តថា ៖ ការចុះកិច្ចសន្យារវាងសហគមន៍និងក្រុមហ៊ុននេះ គឺជាជំហានមួយក្នុងការផលិតបន្លែសរីរាង្គ ដោយមិនប្រើ ប្រាស់គីមី ហើយប្រជាកសិករ ទទួលបានតម្លៃទីផ្សារខ្ពស់ ដោយមិនបារម្ភថា ខ្លាចផលិតបានហើយគ្មានទីផ្សារនោះទេ ហើយពួកគាត់នឹងទទួលបានប្រាក់ចំណូលច្រើន ។
កិច្ចសន្យាផលិត កម្មកសិកម្ម បានបញ្ជាក់ថា វាមានផលវិជ្ជមានទាំងសង ខាងទីមួយគឺវាវិជ្ជមានសម្រាប់សហគមន៍កសិកម្មហ្នឹង តម្លៃគាត់ថេរហើយសមរម្យណាស់ទីផ្សារទំនើបយើងដឹងហើយថាសម្រាប់អ្នក មានប្រាក់ចំ ណូលខ្ពស់អ៊ីចឹងបើយើងប្រៀបធៀបទីផ្សារខាងក្រៅគឺយើងប្រសើរច្រើនមែនទែនឱ្យតែយើងគោរពតាមលក្ខណ្ឌរបស់គេ។ មួយវិញទៀតរាជ រដ្ឋាភិបាលបានសម្រួលតាម រយៈធនាគារអភិវឌ្ឍន៍ជនបទធ្វើយ៉ាងណាឱ្យសហគមន៍មានឥណទានដោយ មានអត្រាការប្រាក់ទាបដល់អ៊ីចឹងទៅគាត់ទទួលបានការវិនិយោ គនៅផ្ទះសំណាញ់នៅតាមសមាជិក សហគមន៍បន្តទៀត ។
លោកបានបន្ថែមថា ខាងមន្ទីរក៏បានជំរុញតំណាងសហគម ន៍ទាំងអស់ត្រូវគោរពតាមកិច្ច សន្យាដែលបានចុះកិច្ចព្រម ព្រៀងជាមួយក្រុមហ៊ុន ហើយកសិករត្រូវមានភាពស្មោះត្រង់ជាមួយក្រុម ហ៊ុន ត្រូវរក្សាគុណភាពបន្លែសរីរាង្គដោយមិនក្លែងបន្លំ ។
សូមបញ្ជាក់ថា៖ បច្ចុប្បន្ននេះសហគមន៍កសិកម្មសំរោងឫស្សីបាននិងកំពុង ផលិតបន្លែសរីរាង្គ ដែលមានតម្លៃខ្ពស់លើទីផ្សារ រួមមានបន្លែស្ពៃក្តោបពូជជប៉ុន ស្ពៃក្តោបបេះដូង ផ្កាស្ពៃពណ៌ស ផ្កាស្ពៃពណ៌ ខៀវ ខាត់ណាដើម ស្ពៃ បូកគោ ស្ពៃហាង ស្ពៃហៃស៊ីម ស្ពៃក្រញាញ់ និងសាលាដ ជាដើម ដើម្បីផ្គត់ផ្គង់បន្លែឱ្យស្របទៅតាមតម្រូវការទីផ្សារក្នុងស្រុក ដើម្បី ឆ្លើយតបទៅ នឹងតម្រូវការចង់ បានរបស់ក្រុមហ៊ុន ហើយ រក្សាតម្លៃខ្ពស់ថែមទៀតផង ។
ដោយក្នុងមួយរដូវៗប្រជាសហគមន៍អាចរកប្រាក់ចំណេញបានជាង១០លានរៀល ហើយជាមធ្យមសហគមន៍ អាចផ្គត់ផ្គង់ បានចំនួន២តោនក្នុងមួយ ថ្ងៃ៕.សំរិត