ចុះពីលេីរថយន្ត មកទិញអីវ៉ាន់ មួយភ្លែត មិនបានពន្លត់ម៉ាសុីន លោកចោរឡើងបើករត់គេច បង្កការភ្ញាក់ផ្អើលទាំងយប់
ភ្នំពេញ៖ ភាពភ្ញាក់ផ្អើលមួយបានកើតមានឡើងទាំងយប់ ខណៈដែលបុរសម្នាក់ចុះពីលេីរថយន្តដោយមិនបានពន្លត់ម៉ាសុីន ហើយត្រូវបានលោកចោរឡើងបើករត់គេច អស់ជាច្រើនគីឡូម៉ែត្រនោះ។
ហេតុការណ៍នេះបានកើតឡើងកាលពីវេលាម៉ោង៨និង២០នាទីយប់ ថ្ងៃទី១៣ ខែមករា ឆ្នាំ២០២១ នៅចំណុចស្តុបអុីនធើខន តាមបណ្តោយផ្លូវព្រះមុនីរ៉េត សង្កាត់បឹងសាឡាង ខណ្ឌទួលគោក ។
ប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុ ម្ចាស់រថយន្តម៉ាកម៉ាស្តា ពណ៌កណ្តុរល្មេះពាក់ស្លាកលេខរដ្ឋ13. 2-2688 បានឈប់រថយន្ត ដោយមិនបានពន្លត់ម៉ាសុីនរួចដើរទៅទិញអីវ៉ាន់មួយភ្លែត( ទិញតុក្កតា)ស្រាប់តែមានជនសង្ស័យម្នាក់ឡេីងបេីកចេញទៅ។ឃេីញបែបនេះម្ចាស់រថយន្តក៏ស្រែកថាចោរៗបង្កការភ្ញាក់ផ្អេីលដល់ប្រជាពលរដ្ឋដេញតាមចាប់ ។ ចំណែកជនសង្ស័យបានព្យាយាមបេីករត់រហូតទៅដល់ផ្លូវលេខ៣១៥ កែងផ្លូវលេខ៥៩៨ ស្ថិតក្នុងសង្កាត់បឹកកក់២ ខណ្ឌទួលគោក ទេីបជនសង្ស័យឈប់រថយន្តហេីយចុះរត់គេចខ្លួនបាត់។
ក្រោយកេីតហេតុសមត្ថកិច្ចមូលដ្ឋានបានចុះទៅដល់និងនាំជនរងគ្រោះទៅដាក់ពាក្យបណ្តឹងនៅអធិការដ្ឋានគរបាលខណ្ឌទួលគោកដេីម្បីកំណត់មុខសញ្ញាជនសង្ស័យ៕