ប្រកាសតែងតាំង ស្មៀនសង្កាត់បឹងត្របែកថ្មី ជំនួសស្មៀនចាស់ចូលនិវត្តន៍
ភ្នំពេញ៖កាលពីព្រឹកថ្ងៃទី១៥ ខែមករា ឆ្នាំ២០២១នេះលោកថេង សុថុល អភិបាលខណ្ឌចំការមនដោយបានអញ្ជើញចូលរួមពិធីប្រកាសតែងតាំង និងប្រគល់ភារកិច្ចជូន លោក សែម កែវសទ្ធា ជាស្មៀនសង្កាត់បឹងត្របែក ជំនួសលោកស្រី ហ៊ីង សុវណ្ណនី ដែលបានចូលនិវត្តន៍ ។
លោកអភិបាលខណ្ឌចំការមនបានមានមតិអោយដឹងទៀតថាការផ្លាស់ប្តូរស្មៀនសង្កាត់បឹងត្របែកនាឱកាសនេះ គឺដើម្បីបន្តនិរន្តរភាពការងាររដ្ឋបាល និងការផ្តល់សេវាសាធារណៈនៅសាលាសង្កាត់បឹងត្របែកខណ្ឌចំការមនរាជធានីភ្នំពេញនាថ្ងៃនេះគឺដើម្បី ឲ្យឆាប់រហ័សជូនប្រជាពលរដ្ឋក្នុងសង្កាត់ ។ម្យ៉ាងវិញទៀតលោកសែម កែវសទ្ធាគាត់គឺពោរពេញទៅដោយបទពិសោធការងារផ្នែកស្មៀននេះយ៉ាងចាស់វស្សាផងដែរដោយកន្លងមកគាត់(សែម កែវសទ្ធា)ធ្លាប់បម្រើកិច្ចការងារស្មៀនសង្កាត់ជាយូរឆ្នាំមកហើយពោលគឺធ្លាប់ធ្វើស្មៀននៅសង្កាត់ច្បារអំពៅទី២និងជាស្មៀននៅសង្កាត់ក្បាលកោះខណ្ឌច្បារអំពៅផងដែរហើយក៏ធ្លាប់ធ្វើជាអនុប្រធានការិយាល័យផែនការអភិវឌ្ឍន៍នៅខណ្ឌមានជ័យចាស់និងក្រោយមកទៀតជាអនុប្រធានការិយាល័យរដ្ឋបាលខណ្ឌចំការមនថ្មីនិងនៅថ្ងៃនេះប្រកាសតែងតាំងជាស្មៀនសង្កាត់បឹងត្របែកខណ្ឌចំការមន៕
