ធ្វើការជួសជុលកំណាត់ផ្លូវជាតិលេខ៥ ចាប់ពីផ្លូវភ្លោះ រហូតដល់មុខសាលាខណ្ឌប្ញស្សីកែវ សូមបងប្អូនធ្វើដំណើរវាងទៅផ្លូវ៥៩៨ឬជា សុផារ៉ា
ភ្នំពេញ៖ដើម្បីបញ្ចៀសចរាចរណ៍នៅលើកំណាត់ផ្លូវជាតិលេខ៥ចាប៉ផ្លូវភ្លោះចំណុចធនាគារអេស៊ីលីដានៅភូមិស្ពានខ្ពស់សង្កាត់គីឡូម៉ែត្រលេខ៦រហូតដល់ស្ថានីយ៍ប្រេងតូតាល់មុខសាលាខណ្ឌប្ញស្សីកែវក្នុងសង្កាត់គីឡូម៉ែត្រលេខ៦ខណ្ឌប្ញស្សីកែវដ្ឋបាលខណ្ឌឫស្សីកែវសូមជម្រាបជូនដំណឹងដល់បងប្អូនប្រជាពលរដ្ឋទាំងអស់ ក្នុងរាជធានីភ្នំពេញជាពិសេសក្នុងមូលដ្ឋានខណ្ឌឫស្សីកែវ ឲ្យបានជ្រាបថា រដ្ឋបាលរាជធានី និងមន្ទីរសាធារណៈការដឹកជញ្ជូនរាជធានីភ្នំពេញ បានធ្វើការជួសជុល និងពង្រីកផ្លូវ ដើម្បីឲ្យបងប្អូនប្រជាពលរដ្ឋងាយស្រួលក្នុងការធ្វើចរាចរណ៍ឆ្លងកាត់ ដោយចំណាយពេលអនុវត្តការងាររយះពេល ៣០ថ្ងៃ គិតចាប់ពីថ្ងៃទី២៥ ខែមករា ឆ្នាំ២០២១ តទៅ។
ដូចនេះដើម្បីឲ្យការងារខាងលើប្រព្រឹត្តទៅដោយរលូនស្នើបងប្អូនប្រជាពលរដ្ឋ មេត្តាជ្រាប យោគយល់ អធ្យាស្រ័យ និងដើម្បីបញ្ជៀសការធ្វើដំណើរឆ្លងកាត់ទីតាំងខាងលើ ដោយធ្វើដំណើរវាងទៅផ្លូវ ៥៩៨ ឫផ្លូវ ជា សុផារ៉ា ផ្លូវ ខាងក្នុង ជាបណ្ដោះអាសន្នសិន ដើម្បីកាត់បន្ថយការកកស្ទះចរាចរណ៍ និងគ្រោះថ្នាក់កើតឡើងជាយថាហេតុ៕
