ការផ្ដល់ផ្លាកលេខម៉ូតូមានការថយចុះ…តែនៅតែមានមកធ្វើ…!
ភ្នំពេញ៖បើយោងតាមការនិយាយរៀបរាប់ពីសំណាក់មន្ត្រីទទួលបន្ទុកធ្វើផ្លាកលេខម៉ូតូនៅសាលាខណ្ឌចំការមននៅថ្ងៃទី០១ខែកុម្ភះឆ្នាំ២០២១នេះថាថ្ងៃនេះមានអ្នកមកធ្វើស្លាកលេខម៉ូតូទុកប្រើប្រាស់មានម៉ូតូចំនួន៣គ្រឿងដែរ។លោកបន្តទៀតថាការផ្ដល់ស្លាកលេខម៉ូតូជូនប្រជាជនយកទៅប្រើប្រាស់នោះគឺមិនទៀងទាត់នោះទេជួនកាលមានអ្នកមកធ្វើដូចថ្ងៃនេះជាដើមគឺបាន៣គ្រឿងហើយជួនកាលទៀតគឺគ្មានអ្នកធ្វើសោះក៏មានដែរចឹងក្នុងនាមយើងអ្នកទទួលបន្ទុកការងារនេះទោះបីមានអ្នកមកធ្វើក្ដីឬអត់ក្ដីត្រូវតែនៅអង្គុយរង់ចាំពួកគាត់ជានិច្ចរៀងរាល់ថ្ងៃនាម៉ោងធ្វើការងារគឺលើកលែងតែថ្ងៃឈប់សម្រាកការងារថ្ងៃសៅរ៍ឬអាទិត្យតែប៉ុណ្ណោះ។ចំពោះតំលៃស្លាកលេខម៉ូតូ១គ្រឿងគឺជាង៤មុឺនរៀល។
មន្ត្រីទទួលធ្វើស្លាកលេខម៉ូតូបាននិយាយបន្តទៀតថាការថយចុះនៃការធ្វើស្លាកលេខម៉ូតូនៅតាមខណ្ឌដោយសារអ្នកទិញម៉ូតូភាគច្រើនគាត់ធ្វើស្លាកលេខម៉ូតូនៅតាមហាងលក់ម៉ូតូឬទៅធ្វើនៅកន្លែងផ្សេងៗដែលអាចកុម្ម៉ង់ត៍លេខល្អៗបានដែលម្ចាស់ម៉ូតូនិមួយៗគាត់ស្រឡាញ់ពេញចិត្ត។ចំណែកនៅតាមខណ្ឌគឺមិនអាចកុម្ម៉ង់ត៍លេខដែលខ្លួនស្រឡាញ់ពេញចិត្តបានទេព្រោះស្លាកលេខម៉ូតូគឺមានស្រាប់ពេញចិត្តស្លាកលេខមួយណារើសយកមួយហ្នឹងហើយម្ចាស់ម៉ូតូបំពេញបែបបទឯកសាររួចមន្ត្រីជំនាញស្លាកលេខបំពាក់ស្លាកលេខម៉ូតូជូនភ្លាមរួចយកទៅប្រើប្រាស់។
ខណៈនោះដែរលោកអភិបាលខណ្ឌចំការមនថេង សុថុល ក៏បានមានមតិលើកឡើងដោយធ្វើការអំពាវនាវទៅដល់បងប្អូនប្រជាជនគ្រប់រូបដែលមានលំនៅស្ថានរស់នៅក្នុងមូលដ្ឋានខណ្ឌចំការមនក្រោយពីទិញម៉ូតូរួចទុកប្រើប្រាស់ជាមធ្យោបាយផ្ទាល់ខ្លួនឬទិញអោយកូនចៅប្រើប្រាស់ហើយពេលមកធ្វើស្លាកលេខម៉ូតូនៅសាលាខណ្ឌចំការមនថ្មីដែលមានទីតាំងនៅកោះពេជ្រនោះដោយមានមន្ត្រីជំនាញធ្វើស្លាកលេខម៉ូតូគាត់នៅរងចាំធ្វើជូនជានិច្ចពោលគឺធ្វើភ្លាមបានភ្លាមនៅរៀងរាល់ម៉ោងបំពេញការងារលើកលែងតែថ្ងៃឈប់សម្រាកការងារតែប៉ុណ្ណោះ៕