លោក គួច ចំរើន ៖ មន្ត្រីគ្រប់រូបត្រូវតែទទួលបាននូវការយកចិត្តទុកដាក់នៅពេលជួបបញ្ហាផ្សេងៗ ជាពិសេសនៅពេលគាត់ជួបបញ្ហា
ព្រះសីហនុ៖ ដោយបានដឹងថាលោក ស៊ិន សារ៉ាត មន្ត្រីអន្តរវិស័យសំណង់ រដ្ឋបាលខេត្តព្រះសីហនុ កំពុងមានការលំបាកជួបនៅបញ្ហាដោយមាន ប្រពន្ធមានជំងឺប្រចាំកាយ នៅព្រឹកថ្ងៃចន្ទ ទី១ ខែកុម្ភ: ឆ្នាំ២០២១ លោក គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញសួរសុខទុក្ខ និងនាំយកអំណោយឧបត្ថម្ភដល់លោកស្រី សូ ឡាដាន អាយុ ៥៧ ឆ្នាំ ដែលមានជំងឺប្រចាំកាយ កំពុងសម្រាក់ព្យាបាលនៅផ្ទះ ស្ថិតនៅភូមិ៣ សង្កាត់លេខ២ ក្រុងព្រះសីហនុ ខេត្តព្រះសីហនុ។
ក្នុងឱកាសនោះលោក គួច ចំរើន អភិបាលខេត្តព្រះសីហនុ ក៏បាននាំយកអំណោយមានដូចជា ផ្លែឈើ ទឹកដោះគោឆៅ និងថវិកាចំនួន ៤.០០០.០០០ រៀល ផងដែរ។
ជាមួយនោះដែរ លោក ស៊ិន សារ៉ាត និងក្រុមគ្រួសារ ក៏បានសម្តែងនូវអារម្មណ៍រំភើបរីករាយយ៉ាងខ្លាំង និងសម្តែងការដឹងគុណដល់ ឯកឧត្តម ដែលជាថ្នាក់ដឹកនាំមួយដ៏ល្អ ដែលតែងតែយកចិត្តទុកដាក់ ដល់សុខទុក្ខមមន្ត្រីក្រោមឱវាទជានិច្ចជាកាលរហូតមក ៕
