ប្រធានក្លិបក្រសួងសាធារណការ ផ្តល់ប្រាក់រង្វាន់លើកទឹកចិត្ត ដល់អត្តពលិកក្លិបហែលទឹករបស់ខ្លួន
ភ្នំពេញ៖ឯកឧត្តមរស់ វណ្ណារដ្ឋលេខាធិការនិងជាប្រធានក្លិបហែលទឹកក្រសួងសាធារណការនិងដឹកជញ្ជូនបានជួបសំណេះ
សំណាលនិងផ្ដល់ប្រាក់រង្វាន់លើកទឹកចិត្តដល់កីឡាករ-កីឡាការិនីក្លិបហែលទឹកក្រសួងសាធារណការណ៍ និងដឹកជញ្ជូនកាលពីដើមសប្ដាហ៍កន្លងមកនេះ ។
លោក ហែម គីរី អគ្គលេខាធិការសហព័ន្ធបានប្រាប់ឲ្យដឹងថា ប្រធានក្លិបហែលទឹកបានផ្តល់ប្រាក់រង្វាន់លើកទឹកចិត្តដល់កីឡាករ-កីឡាការិនីក្លិបហែលទឹកក្រសួងសាធារណការនិងដឹកជញ្ជូនដែលទទួលបានមេដាយមាសមេដាយប្រាក់និងមេដាយសំរិទ្ធនៃព្រឹត្តិការណ៍ការប្រកួតកីឡាជ្រើសរើសជើងឯកថ្នាក់ជាតិឆ្នាំ២០២០ក្នុងទឹកប្រាក់ជាង១០លានរៀល។ជាមួយគ្នានោះប្រធានប្រធានក្លិបរូបនេះក៏បានតំឡើងប្រាក់ឧបត្ថម្ភប្រចាំខែថែមទៀតលើសប្រាក់ឧបត្ថម្ភប្រចាំខែកាលពីឆ្នាំទៅសម្រាប់ក្រុមអត្តពលិកហែលទឹកក្នុងក្លិបរបស់ខ្លួន ។
លោកបានបន្តថាលោកប្រធានក្លិបក៏បានផ្តល់នូវអនុសាសន៍មួយចំនួនថាយើងត្រូវស្វែងយល់នូវការលំបាករបស់កីឡាករកីឡាការិនីដើម្បីយល់ពីស្ថានភាព និងរៀបចំការហ្វឹកហាត់ឲ្យបានល្អជាងមុន ផ្តល់ការប្រឹក្សាផ្ទាល់ ដើម្បីងាយស្រួលដោះស្រាយ និងត្រូវធ្វើឲ្យបានទៀងទាត់១ខែ ឬ៣ខែម្តង ហើយគួរមានគ្រូពេទ្យចាំតាមដានសុខភាពអត្តពលិក និងអាចធ្វើការពិនិត្យសុខភាពរាល់៣ខែម្តង និងសម្ភារុំបន្ថែមត្រូវមានឲ្យបានគ្រប់គ្រាន់សម្រាប់ប្អូនៗក្នុងការហ្វឹកហាត់ និងការប្រកួត។
លោកអគ្គបន្ថែមទៀតថាលោកបានឯកភាពឲ្យមានការបណ្តុះបណ្តាលនូវទំពាំងស្នងឬស្សីបន្តវេនព្រោះនេះក៏ជាគោលបំណង
របស់ឯកឧត្តមទេសរដ្ឋមន្ត្រីប្រធានសហព័ន្ធរដែលចង់ឲ្យមានការបណ្តុះបណ្តាលអ្នកបន្តវេនទៅថ្ងៃមុខព្រោះការងារនេះមិនមែនរៀនតែមួយថ្ងៃចេះទេ គឺត្រូវការការបង្រៀន និងហ្វឹកហាត់រាប់ឆ្នាំដើម្បីបានក្លាយខ្លួនជាកីឡាករ-កីឡាការិនីឆ្នើម ដើម្បីទទួលបានជោគជ័យក្នុងការប្រកួត មិនមែនយើងអាចធ្វើតែខ្លួនម្នាក់បានទេ គឺត្រូវមានការចូលរួមសហការជាក្រុម និងចេះជួយគ្នាទៅវិញទៅមក។
ឯកឧត្តម រស់ វណ្ណាសំណូមពរគ្រូបង្វឹកត្រូវពង្រឹងនូវវិន័យឲ្យបានច្បាស់លាស់បន្ថែមទៀតក្នុងគោលដៅឆ្នោះឆ្នាំ២០២៣នេះ គឺយើងធ្វើជាម្ចាស់ផ្ទះក្នុងការប្រកួតកីឡាSEAGAME ដូច្នេះធ្វើយ៉ាងណាត្រូវតែទទួលបាននូវមេដាយ សម្រាប់ជាមុខមាត់របស់កីឡាករ-កីឡាការិនីក្រុមក្រសួងក៏ដូចជាមុខមាត់របស់ប្រទេសជាតិយើងផងដែរ៕
