កម្មវិធីរត់ដោយស្ម័គ្រចិត្តខ្លួនឯង នៅខេត្តសៀមរាប ចាប់ផ្ដើមព្រឹកនេះ
ភ្នំពេញ៖នៅព្រឹកថ្ងៃទី៦កុម្ភ:នេះ កម្មវិធីការរត់ដោយស្ម័គ្រចិត្តដោយខ្លួនឯង(VIRTUAL) ដែលប្តូរមកពីទិវាអន្តរជាតិរត់ពាក់កណ្តាលម៉ារ៉ាតុងនៅអង្គរវត្តខេត្ត សៀមរាបនោះ នឹងត្រូវចាប់ផ្តើមហើយ ។
ការអាក់ខានដោយសារកូវីដ ១៩ នោះ គណៈកម្មាធិការជាតិអូឡាំពិកកម្ពុជានិងដៃ គូឧបត្ថម្ភទិវាអន្តរជាតិរត់ពាក់កណ្តាលម៉ារ៉ាតុង សម្រេចចិត្តប្ដូរឥរិយាបថនៃការរត់ទៅ ជារត់ដោយស្ម័គ្រចិត្តខ្លួនឯង(VIRTUAL) នៅថ្ងៃទី៦ និង៧ កុម្ភៈនេះ។
ឯកឧត្តមវ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា បានអំពាវនាវឱ្យអ្នកដែលបានចុះឈ្មោះហើយភ្ញាក់ពីព្រលឹម ដើម្បីចូលរួមកម្មវិធីរត់ដោយ ស្ម័គ្រចិត្ត ដើម្បីបំពេញកាតព្វកិច្ចរត់ឱ្យដល់គោលដៅរបស់ខ្លួន នឹងទទួលបានមេដាយអនុស្សាវរីយ៍។
មានអ្នកចុះឈ្មោះទាំងខ្មែរនិងបរទេសរស់នៅក្នុងប្រទេសប្រមាណជាង៣.០០០នាក់ ហើយអ្នកដែលចូលរួម ទាំងអស់នេះ នឹងទទួលបានអត្ថប្រយោជន៍ជាស្មារតីសប្បុរសធម៌មួយ ដែលជួយដល់មន្ទីរពេទ្យកុមារអង្គរនិងគន្ធបុប្ផា នឹងទទួលបានរង្វាន់ជាសប្បុរសធម៌ជួយដល់មន្ទីរទាំងពីរ ក្នុងមួយនាក់៨ដុល្លារ បានន័យថាអ្នកចូលរួមរត់ពិតប្រាកដ បានបរិច្ចាគនូវលុយចំនួន៨ដុល្លារ ជួយដល់មន្ទីរពេទ្យទាំងពីរខាងលើ។
សូមបញ្ជាក់ ទិវាអន្តរជាតិរត់ពាក់កណ្តា លម៉ារ៉ាតុងអង្គរវត្តខេត្តសៀមរាប គណៈក ម្មាធិការជាតិអូឡាំពិកកម្ពុជា មិនអាចរៀបចំព្រឹត្តិការណ៍នេះឲ្យដូចរៀងរាល់ឆ្នាំបាននោះទេ ព្រោះសន្ទុះកើនឡើងនៃមេរោគកូវីដ ១៩ នៅប្រទេសជិតខាងស្ថិតក្នុងកម្រិត ខ្ពស់ ដូច្នេះហើយទើបសម្រេចចិត្តប្ដូរឥរិ យាបថនៃការរត់ទៅជារត់ដោយស្ម័គ្រចិត្តខ្លួនឯង (VIRTUAL)នៅថ្ងៃទី៦ និង៧ កុម្ភៈនេះ។
ចំពោះលទ្ធផលគឺសាមីខ្លួនត្រូវផ្ញើតាម រយៈManulife MOVE Appដើម្បីទទួលមេដាយក្នុងករណីដែលការរត់នោះបានទទួលថិរវេលាល្អ ។ អ្នករត់ត្រូវតែមានភាពស្មោះត្រង់លើលទ្ធ ផលរបស់ខ្លួនទាំងអ្នករត់៣គីឡូម៉ែត្រ ៥គី ឡូម៉ែត្រ ១០គីឡូ ម៉ែត្រ និង២១គីឡូម៉ែត្រ ។ អ្នកចូលរួមរត់ត្រូវតែបង្ហាញពីភាពស្មោះត្រង់របស់ខ្លួនក្នុងការផ្ដ់ពីលទ្ធផលត្រឹមត្រូវដែលខ្លួនបានរត់ ។
សូមបញ្ជាក់ដែរថា ដំបូងឡើយគណៈ កម្មាធិការជាតិអូឡាំពិកកម្ពុជានិងគណៈ កម្មការរៀបចំការប្រកួតគ្រោងបើកការប្រ កួតទិវារត់ប្រណាំងអន្តរជាតិពាក់កណ្តាលម៉ារ៉ាតុងអង្គរវត្តលើកទី២៥ នៅអង្គរវត្តខេត្តសៀមរាបនៅថ្ងៃទី២៤ខែមករាឆ្នាំ២០២១។ សម្រាប់ទិវារត់នេះ ដោយមិនអនុញ្ញាតឲ្យបរ ទេសដែលរស់នៅក្រៅប្រទេសចូលរួមឡើយដោយអនុញ្ញាត ឲ្យជនបរទេសរស់នៅក្នុងប្រទេសតែប៉ុណ្ណោះ៕