អធិការខណ្ឌឬស្សីកែវបន្តយកអំណោយ លោកឧត្តមសេនីយ៍ឯក ស ថេត ចុះសួរសុខទុក្ខក្រុមគ្រួសារសពអតីតយុទ្ធជន
ភ្នំពេញ នាព្រឹកថ្ងៃទី០៨ ខែកុម្ភៈ ឆ្នាំ២០២១ លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវ តំណាងដ៏ខ្ពង់ខ្ពស់របស់ លោកនាយឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ដែលជាប្រធានសមាគមអតីតយុទ្ឋជនរាជធានីភ្នំពេញ បានជួបសំណេះសំណាលជាមួយបងប្អូនអតីតយុទ្ឋជនជាមន្ត្រីនគរបាល យោធា កងរាជអាវុធហត្ថចូលនិវត្ត៍ ដែលមានជីវភាពខ្វះខាត ចំនួន ៣៧គ្រួសារ នៅអធិការដ្ឋានខណ្ឌឫស្សីកែវ រាជធានីភ្នំពេញ ។
ពិធីនេះ ក៏មានការចូលរួមពីលោកស្រី ស៊ន សៀវមុី ជំនួយការសម្តេច សាយ ឈុំ តំណាងលោកនាយឧត្តមសេនីយ៍ យឹម លាង អគ្គស្នងការរងនគរបាលជាតិ បានចូលរួមឧបត្ថម្ភ ដល់អតីតយុទ្ឋជន នាពេលនេះផងដែរ ។
លោក ហ៊ាង ថារ៉េត បានបញ្ជាក់ថា ជារើយៗលោកឧត្តមសេនីយ៍ឯក ស ថេត អគ្គស្នងការរង និងជាស្នងការរាជធានីភ្នំពេញ ដែលជាប្រធានអតីតយុទ្ឋជនរាជធានីភ្នំពេញ បានក្រើនរំលឹកដល់អធិការដ្ឋានទាំង១៤ខណ្ឌ ត្រូវយកចិត្តទុកដាក់ស្រាវជ្រាវរកអតីតយុទ្ឋជនដែលមានជីវភាពខ្វះខាតប្រចាំថ្ងៃ ដើម្បីជួយឧបត្ថម្ភដល់គ្រួសារគាត់ ។
ជំនួសមុខអោយលោកស្នងការ លោកអធិការក៏បានកោតសសើរដល់អតីតយុទ្ឋជន ដែលបានបំពេញតួនាទីភារកិច្ចបានយ៉ាងល្អប្រសើរដោយទទួលបានលទ្ធផលគួរជាទីមោទនៈ ។ លោកបន្តថា បើមិនមានអំ ពូ ចាស់ៗ ដែលជាអតីតយុទ្ឋជន ដែលមានបទពិសោធន៍ បើគ្មានអតីតយុទ្ឋជន ក្នុងការត្រួសត្រាយផ្លូវសម្រាប់ក្មេងៗជំនាន់ក្រោយទេៗ គឺគ្មានថ្ងៃនេះទេ ថ្ងៃនេះយើងមានសុខសន្តិភាពពេញបរិបូរណ៍ ក៏ដោយសារអំ ពូ ជាអតីតយុទ្ឋជននេះហើយ ។
លោល ហ៊ាង ថារ៉េត បន្តទៀតថា លោកនិងធ្វើកម្មវិធីចែកអំណោយបន្តិចបន្តួច នេះជារៀងរាល់ឆ្នាំបន្តទៀត ដើម្បីជួយសម្រួលនៅជីវភាពរបស់លោកពូ អ្នកមីង ដែលជាអតីតយុទ្ឌជន ក្នុងខណ្ឌឬស្សីកែវ ដោយក្នុងម្នាក់ៗបានថវិកា ៥ម៉ឺនរៀល, អង្ករ ០១បេ(២៥គ.ក្រ), មី ១កេស, ភេសជ្ជៈ ១កេស, ទឹកសុទ្ធ ១កេស, និងទឹកត្រី-ទឹកស៊ីអ៉ីវ ០២យួរ ជូនដល់ អតីតយុទ្ធជន នគរបាលខណ្ឌឫស្សីកែវ។
លោកអធិការ បានបន្តទៀតថា បើទោះបីជាក្នុងដំណាក់កាល ដែលពិភពលោកកំពុងតែរងផលប៉ះពាល់យ៉ាងធ្ងន់ធ្ងរដោយសារជំងឺកូវីដ១៩ យ៉ាងណាក៏ដោយ រដ្ឋាភិបាលមានចំណាត់ការ និងវិធានការណ៍យ៉ាងតឹងរឹង ក្នុងការទប់ស្កាត់បានទាន់ពេលវេលា ក្នុងការឆ្លងរីករាលដាលជំងឺកូវីដ១៩ នៅកម្ពុជា ។ ជាពិសេសការជួបជុំថ្ងៃនេះក៏បានបង្ហាញអំពីប្រទេសជាតិមានសុខសន្តិភាព និងការយកចិត្តទុក្ខដាក់របស់រាជរដ្ឋាភិបាល តាមរយៈសមាគមអតីតយុទ្ឋជន អនុសាខាសមាគម គ្រប់លំដាប់ថ្នាក់ និងក្រុមការងាររាជរដ្ឋាភិបាលចុះជួយរាជធានី និងក្រុមការងារចុះជួយសង្កាត់ ដែលតែងចុះជួបសំណេះសំណាល និងនាំយកនូវអំណោយមកឧបត្ថម្ភដល់គ្រួសារដែលជួបការលំបាកក្នុងអំឡុងពេលកូវីដ១៩នេះផងដែរ ។