ប្រជាពលរដ្ឋងាយរងគ្រោះ៣៥គ្រួសារ នៅសង្កាត់ទួលសង្កែទី២ ខណ្ឌប្ញស្សីកែវទួលសង្កែទី២បានទទួលអំណោយកាកបាទក្រហមកម្ពុជា

ភ្នំពេញ៖កាលពីថ្ងៃទី៨ ខែកុម្ភៈ ឆ្នាំ២០២១ លោក ជា ពិសី ប្រធានកិត្តិយសអនុសាខាកាកបាទក្រហមកម្ពុជា ខណ្ឌប្ញស្សីកែវ បានដឹកនាំ លោក ស៊ូ សារ៉ាត់ អនុប្រធានអនុសាខាកាកបាទក្រហមកម្ពុជា ខណ្ឌប្ញស្សីកែវ ក្រុមការងារអនុសាខាកាកបាទក្រហមកម្ពុជាខណ្ឌ និងក្រុមការងារ ក.ក្រ.ក សង្កាត់ទួលសង្កែទី២ ចុះសួរសុខទុក្ខ និងឧបត្ថម្ភអំណោយ ជូនដល់ ប្រជាពលរដ្ឋងាយរងគ្រោះ ចំនួន ៣៥ គ្រួសារ នៅសង្កាត់ទួលសង្កែទី២ ខណ្ឌប្ញស្សីកែវ រាជធានីភ្នំពេញ។
ក្នុងឱកាសនៃការចុះសួរសុខទុក្ខនោះក្រៅពីពាំនាំការសាកសួរសុខទុក្ខពីថ្នាក់ដឹកនាំកាកបាទក្រហមកម្ពុជានិងផ្ដាំផ្ញើរដល់ប្រជាពលរដ្ឋឱ្យយកចិត្តទុកដាក់ថែទាំសុខភាពក្រុមការងារ បានពាំនាំនូវ អំណោយដ៏ថ្លៃថ្លារបស់ កាកបាទក្រហមកម្ពុជា មកឧបត្ថម្ភដល់ បងប្អូនប្រជាពលរដ្ឋ ចំនួន ៣៥ គ្រួសារខាងលើ ដោយក្នុង ០១ គ្រួសារៗ ទទួលបាន រួមមាន ៖ គ្រឿងបរិភោគ និងថវិកាមួយចំនួន៕