បុណ្យសមុទ្រឆ្នាំនេះ ៖ ប្រធានអូឡាំពិកនិយាយអ្វីខ្លះ?
ព្រះសីហនុ៖ឆ្នាំនេះរាជរដ្ឋាភិបាលកម្ពុជាបានអនុញ្ញាតឱ្យក្រសួងទេសចរណ៍និងក្រសួង-ស្ថាប័នពាក់ព័ន្ធ សហការគ្នារៀបចំពិធីបុណ្យសមុទ្រលើកទី៩ (ជុំទី៣) ឡើងវិញបន្ទាប់
ពីអាក់ខានមួយឆ្នាំដោយសារកូវីដ ១៩នោះ ។
ពិធីបុណ្យសមុទ្រនឹងធ្វើនៅចុងឆ្នាំ២០២១ ខាងមុខនេះ ហើយពិធីបុណ្យឆ្នាំនេះ អ្វីៗនឹង រៀបចំឱ្យកាន់តែពិសេសជាងឆ្នាំមុនៗ។
ឯកឧត្តមបណ្ឌិតបណ្ឌិតថោងខុនរដ្ឋមន្ត្រីក្រសួងទេសចរណ៍និងជាប្រធានគណៈកម្មា
ធិការជាតិអូឡាំពិកកម្ពុជារួមជាមួយឯកឧត្តមគួចចំរើនអភិបាលខេត្តព្រះសីហនុបានបើកកិច្ចប្រជុំពិសេសមួយនៅខេត្តព្រះសីហនុកាលពីព្រឹកថ្ងៃទី០៩ខែកុម្ភៈនេះដើម្បីពិភាក្សាជាមួយក្រសួង-ស្ថាប័ន មន្ទីរ អង្គភាពជំនាញ ត្រៀមកិច្ចការមួយចំនួនបណ្ដើរៗ។
ថ្លែងនាឱកាសនោះឯកឧត្តមបណ្ឌិតថោងខុនណែនាំឱ្យក្រុមការងារចាប់ផ្ដើមបង្កើត
ក្រុមការងារអន្តរក្រសួងដើម្បីធ្វើកិច្ចការតាមមុខព្រួញនីមួយៗសំដៅរៀបចំពិធីបុណ្ទាំងមូលឱ្យបានរលូនល្អ។ក្នុងនោះដែរមានកម្មវិធីសម្ដែងសិល្បៈព្រឹត្តិការណ៍កីឡាការការពារសុខសន្តិ
ភាពការរៀបចំតុបតែងសោភ័ណភាពនៅតាមទីសាធារណៈតាមឆ្នេរសមុទ្រនិងទីតាំងសំខាន់មួយចំនួនទៀត។
ចំពោះការរៀបចំឱ្យមានវិថីម្ហូបអាហារក៏ត្រូវបានឯកឧត្តមរដ្ឋមន្ត្រីថោងខុនគាំទ្ររៀបចំឱ្យបានល្អប្រសើរ។ឯកឧត្តមបានជំរុញឱ្យមានការនាំយកផលិតផលកសិកម្មសិប្បកម្មផលិតផលពាណិជ្ជកម្មក្នុងស្រុកមកតាំងបង្ហាញក្នុងពិធីបុណ្យឱ្យបានច្រើនបំផុត។
ក្រៅពីនេះត្រូវផ្សព្វផ្សាយផលិតផលទេសចរណ៍សក្ដានុពលទេសចរណ៍ដែលមាននៅតាមរមណីយដ្ឋានសហគមន៍ទេសចរណ៍តំបន់ទេសចរណ៍ធម្មជាតិសក្ដានុពលនៅតាមតំបន់ឆ្នេរសមុទ្រ នៅតាមកោះ និងនៅសមុទ្រឱ្យបានទូលំទំលាយនៅក្នុងពិធីបុណ្យនេះ។
ឯកឧត្តមថោងខុនក៏បានលើកទឹកចិត្តឱ្យមានការចូលរួមសម្ដែងសិល្បៈផលិតផលពាណិជ្ជកម្មនានានិងការចូលរួមទស្សនាពីសំណាក់ប្រទេសជិតខាងនិងភ្ញៀវទេសចរបរទេសនិងទេសចរណ៍ក្នុងស្រុកទៀតផង ។
ឯកឧត្តមបញ្ជាក់ថាបញ្ជាក់ថា ទោះបីរាជរដ្ឋាភិបាលរៀបចំពិធីបុណ្យសមុទ្រលើកទី៩ ជុំទី៣នេះក៏ពិតមែនប៉ុន្តែគណៈកម្មការរៀបចំត្រូវតែប្រកាន់ខ្ជាប់ឱ្យបានម៉ឺងម៉ាត់នូវវិធានសុវត្ថិភាពទេសចរណ៍របស់ក្រសួងទេសចរណ៍ការអនុវត្តតាមវិធានអនាម័យរបស់ក្រសួងសុខាភិបាល ក៏ដូចជាអនុសាសន៍ ៣កុំ និង៣ការពារ ឱ្យបានហ្មត់ចត់បំផុត៕
