កីឡាចំនួន៤១ប្រភេទ ដែលក្រសួងអប់រំយុវជន និង កីឡាចំណាយថវិកាសម្រាប់ប្រកួតជើងឯកជាតិឆ្នាំ២០២១នេះ
CAMSOC៖ក្រសួងអប់រំយុវជន និង កីឡាបានសម្រេចរួចហើយក្នុងការចំណាយថវិកាដើម្បីធ្វើការប្រកួតជើងឯកថ្នាក់ជាតិនូវកីឡាចំនួន៤២ប្រភេទក្នុងឆ្នាំ២០២១នេះ ។
កីឡាទាំង៤១ប្រភេទនេះគឺមានទាំងប្រភេទកីឡាអូឡាំពិក កីឡាមិនអូឡាំពិក និង កីឡាជនពិការ(Paralympic)ទៀតផង ។ កីឡាទាំង៤១ប្រភេទនេះគឺប្រកួតឡើងក្នុងពេលវេលាខុសៗគ្នាតែប្រភេទកីឡាភាគច្រើនប្រកួតនៅរាជធានីភ្នំពេញ គ្រាន់តែភាគច្រើនប្រកួតនៅពហុកីឡដ្ឋានជាតិអូឡាំពិកតែប៉ុណ្ណោះ ។
កីឡាចំនួន២ប្រភេទដែលប្រកួតនៅខេត្តព្រះសីហនុនោះមានប្រភេទកីឡាម៉ូតូទឹក និង ប្រភេទកីឡាទូកក្ដោង ។កីឡាទាំង២ប្រភេទនេះត្រូវការវិសាលភាពកន្លែងប្រកួតធំពិសេសលើលំហរសមុទ្រតែម្ដង ។ប្រភេទកីឡាការាតេ និង ល្បុក្កតោប្រកួតនៅសាកលវិទ្យាល័យភ្នំពេញដូចគ្នាតែពេលវេលាខុសគ្នា ។
កីឡាប្រណាំងទោចក្រយានប្រកួតនៅខេត្តសៀមរាបដដែល ឯ ប្រភេទកីឡាឡើងភ្នំក៏បន្តប្រកួតនៅខេត្តសៀមរាបដែរ ។ ប្រភេទកីឡាប្រណាំងទូកកានូ និង រ៉ូអ៊ីងប្រកួតនៅតាមដងទន្លេបាសាក់នាក្រុងតាខ្មៅខេត្តកណ្ដាល ។ប្រភេទកីឡាជិះសេះធ្វើនៅខេត្តកំពង់ស្ពឺ និងមជ្ឈមណ្ឌលកីឡាCambodia Country Club)នាខ័ន្ឌសែនសុខរាជធានីភ្នំពេញ។ប្រភេទកីឡាបេសស្បលប្រកួតនៅរមណីយដ្ឋានបឹងសំរឹទ្ធនាខេត្តយកំពង់ធំដដែល ។
នេះជាការប្រកួតជើងឯកថ្នាក់ជាតិជាផ្លូវការតែមួយគត់ ។សម្រាប់អ្នកជាប់ចំណាត់ថ្នាក់ក្នុងការប្រកួតនេះនឹងក្លាយខ្លួនជាកីឡាករកីឡាការិនីជម្រើសជាតិ ឬ ក្រុមកីឡាជម្រើសជាតិ ៕