អនុសាខាកាកបាទក្រហមកម្ពុជា ខណ្ឌប្ញស្សីកែវ ទទួលទេយ្យវត្ថុពី ព្រះតេជព្រះគុណ ព្រះញាណវិសុទ្ធិវង្ស សាត វិបុល ចៅអធិការវវត្តគ្រួស
ភ្នំពេញ៖កាលពីថ្ងៃទី១២ ខែកុម្ភៈ ឆ្នាំ២០២១ លោកជា ពិសី អភិបាលខណ្ឌនិងជាប្រធានកិត្តិយសអនុសាខា កាកបាទក្រហមកម្ពុជា ខណ្ឌប្ញស្សីកែវ បានអញ្ជើញជាកិត្តិយស ក្នុងពិធីទទួលទេយ្យវត្ថុ ពី ព្រះតេជព្រះគុណ ព្រះញាណវិសុទ្ធិវង្ស សាត វិបុល ព្រះរាជាគណៈថ្នាក់ចត្វា ព្រះវិន័យធរ សាលាគណរាជធានីភ្នំពេញ ព្រះវិន័យធរ សាលាអនុគណខណ្ឌព្រែកព្នៅ និងជាព្រះចៅអធិការវត្តជេដ្ឋាឧត្តម ហៅវត្តគ្រួស ហើយពិធីនេះ បានប្រារព្ធនៅវត្តជេដ្ឋាឧត្តម ហៅវត្តគ្រួស ស្ថិតក្នុងសង្កាត់សំរោង ខណ្ឌព្រែកព្នៅ ។
ទេយ្យវត្ថុ ដែលទទួលបានពី ព្រះសង្ឃ រួមមាន ៖ អង្ករចំនួន ១,០០០ គីឡូក្រាម (០១តោន) និង គ្រឿងប្រើប្រាស់ផ្ទះបាយ ចំនួន ០៥ ឈុត។
ពិធីខាងលើនេះ ក៏មានព្រះវត្តមាន និងវត្តមាន ព្រះថេរានុថេរៈជាច្រើនអង្គទៀត និង សមាជិកគណៈកម្មាធិការអនុសាខា ព្រមជាមួយ មន្ត្រីសាលាខណ្ឌ និមន្ត និងចូលរួមផងដែរ ។
ក្នុងឱកាសនោះលោកជា ពិសី អភិបាលខណ្ឌប្ញស្សីកែវបានថ្លែងព្រះអំណរអរគុណយ៉ាងជ្រាលជ្រៅចំពោះទឹកព្រះទ័យជ្រះថ្លារបស់ព្រះតេជព្រះគុណ ព្រះញាណវិសុទ្ធិវង្ស សាត វិបុល ព្រះរាជាគណៈថ្នាក់ចត្វា ព្រះវិន័យធរ សាលាគណរាជធានីភ្នំពេញ ព្រះវិន័យធរ សាលាអនុគណខណ្ឌព្រែកព្នៅ និងជាព្រះចៅអធិការវត្តជេដ្ឋាឧត្តម ហៅវត្តគ្រួសចំពោះអនុសាខា កាកបាទក្រហមកម្ពុជា ខណ្ឌប្ញស្សីកែវ ៕