រដ្ឋបាលខណ្ឌបឹងកេងកង បើកយុទ្ធនាការចុះផ្សព្វផ្សាយ ក្នុងមូលដ្ឋានស្ដីពីវិធានការ ការពារទប់ស្កាត់នៃការឆ្លងរាលដាលជម្ងឺកូវីដ១៩
ភ្នំពេញ៖នៅថ្ងៃទី២២ ខែកុម្ភៈ ឆ្នាំ២០២១នេះរដ្ឋបាលខណ្ឌបឹងកេងកង ក្រោមការបញ្ជាដោយផ្ទាល់ពីសំណាក់លោកអភិបាលខណ្ឌបឹងកេងកងធឹម សំអាន អោយបណ្ដា សង្កាត់ទាំង៧ និង ផ្សារនានាក្នុងមូលដ្ឋានខណ្ឌបឹងកេងកង រាជធានីភ្នំពេញអោយញាប់ដៃញាប់ជើងបន្តការចុះយុទ្ធនាការផ្សព្វផ្សាយដល់បងប្អូនប្រជាពលរដ្ឋឲ្យចូលរួមការពារក្នុងការរីករាលដាល ជំងឺកូវិដ-១៩ (សហគមន៍ ២០ កុម្ភៈ ) ។
ជាមួយគ្នានោះរដ្ឋបាលសង្កាត់ទាំង៧និងតាមទីផ្សារនានាក្នុងខណ្ឌក៏បានធ្វើការចុះណែនាំប្រជាពលរដ្ឋ ឲ្យអនុវត្តតាមការណែនាំរបស់ក្រសួងសុខាភិបាល ត្រូវតែពាក់ម៉ាស់ ការពារនិងលាងដៃដោយទឹកឬអាកុល ហើយត្រូវរក្សាគន្លាតសង្គម និងអនាម័យខ្លួនប្រាណឲ្យបានល្អប្រសើរ ជានិច្ចនិងស្ដាប់តាមអនុសាសន៍របស់សម្តេច គឺ ៣កុំ - ៣ការពារ ៕