សម្តេចតេជោ ហ៊ុន សែន សម្រេចផ្តល់ម៉ាសក្រណាត់១លាន ជូនសាលារាជធានីភ្នំពេញ ដើម្បីចែកជូនប្រជាពលរដ្ឋ
ភ្នំពេញ ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានសម្រេចផ្តល់ម៉ាសក្រណាត់ចំនួន ១លាន ដល់សាលារាជធានីភ្នំពេញ ដើម្បីចែកជូនសហគមន៍ក្រីក្រដោយឥតគិតថ្លៃ ដើម្បីប្រយុទ្ធប្រឆាំងជំងឺកូវីដ-១៩ ក្នុងសហគមន៍ ។
ដូច្នេះម៉ាសនេះ សាលារាជធានីភ្នំពេញ នឹងនាំយកទៅចែកជូនប្រជាពលរដ្ឋឲ្យបានទាន់ពេលវេលា។
បន្ទាប់ពីទទួលបានអំណោយជាម៉ាស់ចំនួន ១លានម៉ាស់ពីសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជារួចមក លោក ឃួង ស្រេង អភិបាលរាជធានីភ្នំពេញ នាថ្ងៃទី២៣ ខែកុម្ភៈ ឆ្នាំ២០២១នេះ បានគោរពថ្លែងអំណរគុណចំពោះសម្ដេចតេជោ ដែលបានផ្ដល់ម៉ាស់សម្រាប់ចែកជូនបន្តដល់ប្រជាពលរដ្ឋក្នុងរាជធានី។
រដ្ឋបាលរាជធានីភ្នំពេញ បានបន្តចែកម៉ាស់ជូនប្រជាពលរដ្ឋជាបន្តបន្ទាប់ ហើយការឧបត្ថម្ភម៉ាស់បន្ថែមពីសំណាក់សម្ដេចតេជោ ហ៊ុន សែន នាពេលនេះ គឺប្រៀបបានទៅនឹងការផ្ដល់អាហារដល់អ្នកដែលកំពុងអត់ឃ្លាន មានសេចក្ដីត្រូវការប្រចាំថ្ងៃ។
