រដ្ឋបាលខណ្ឌបឹងកេងកង បន្តចុះចែកម៉ាស់ ទឹកអាកុល ឬជែលជូនដល់អាជីវករនិងប្រជាជនក្នុងមូលដ្ឋាន
ភ្នំពេញ៖ដោយអនុវត្តន៍តាមវិធានការរបស់ក្រសួងសុខាភិបាល និងសេចក្ដីជូនដំណឹងរបស់រដ្ឋបាលរាជធានីភ្នំពេញក៏ដូចជាការគិតគូរដោយយកចិត្តទុក្ខដាក់ដោយផ្ទាល់ពីសំណាក់លោកធឹម សំអាន អភិបាលខណ្ឌបឹងកេងកងក្នុងការបង្ការទប់ស្កាត់នៃការឆ្លងរាលដាលនៃមេរោគកូវីដ១៩ក្នុងសហគមន៍។ក្នុងនោះលោកអភិបាលខណ្ឌបឹងកេងកងធឹម សំអាន និងលោកស្រីអភិបាលរងខណ្ឌបឹងកេងកងសុិន រតនា ,លោកឯក និមល ប្រធានផ្សារបឹងកេងកងដោយពួកគាត់ពេញចិត្តនិងការងារបម្រើបងប្អូនអាជីវករនិងបងប្អូនប្រជាជនរបស់ខ្លួននៅក្នុងមូលដ្ឋានដោយនៅថ្ងៃទី២៣ខែកុម្ភះឆ្នាំ២០២១នេះរដ្ឋបាលខណ្ឌបឹងកេងកង និង លោកប្រធានផ្សារបឹងកេងកងឯក និមលព្រមទាំងសហការីដោយបន្តចលនាយុទ្ធនាការចុះចែកម៉ាស់ ក្រោយពីបានទទួលដអំណោយដ៏ថ្លៃថ្លា របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី តាមរយះលោកអភិបាលរាជធានីភ្នំពេញឃួង ស្រេង ដោយបន្តចែកជូនដល់បងប្អូនជាអ្នកដំណើរតាមមធ្យោបាយនានាតាមដងផ្លូវនានាក្នុងមូលដ្ឋាន ខណ្ឌបឹងកេងកងនិងប្រជាជនរស់នៅក្នុងមូលដ្ឋានដែលមាន០៧សង្កាត់ព្រមទាំងអាជីវករភ្លាមៗ។
ជាមួយគ្នានោះដែរលោកអភិបាលខណ្ឌបឹងកេងកងធឹម សំអាន បានមានមតិលើកឡើងដោយសូមអំពាវនាវបងប្អូនប្រជាជនទាំងអស់ដែលរស់នៅក្នុងមូលដ្ឋានខណ្ឌបឹងកេងកងដែលមាន០៧សង្កាត់ និងបងប្អូនអាជីវករនៅផ្សារចំនួន០២គឺផ្សារបឹងកេងកង និង ផ្សារអូឡាំពិកមេត្តាចូលរួមពាក់ម៉ាស់ការពារ បាញ់ទឹកអាល់កុលឬជែលលាងសម្អាតដៃជាប្រចាំនិងរក្សាគម្លាតពីគ្នា តាមការណែនាំរបស់ក្រសួងសុខាភិបាល។ដូចនេះយើងត្រូវចូលរួមប្រយុទ្ឋប្រឆាំងមេរោគកូវីដ១៩ក្នុងសហគមន៍តាមការណែនាំរបស់ក្រសួងសុខាភិបាល៕