អភិបាលខណ្ឌកំបូល ប្រជុំបន្ទាន់ផ្សព្វផ្សាយ និងពង្រឹងប្រសិទ្ធិភាព ការអនុវត្តវិធានការគម្លាតសុវត្ថិភាពសង្គមនិងគម្លាតសុវត្ថិភាពបុគ្គល
ភ្នំពេញ៖កាលពីរសៀលថ្ងៃទី២៣ខែកុម្ភៈ ឆ្នាំ២០២១ នៅសាលាខណ្ឌកំបូល បានរៀបចំកិច្ចប្រជុំបន្ទាន់មួយ ក្រោមអធិបតីភាព លោក ឃឹម ស៊ុនសូដា អភិបាលខណ្ឌកំបូល ដើម្បីផ្សព្វផ្សាយនិងពង្រឹងប្រសិទ្ធិភាពការអនុវត្តខ្លឹមសារសេចក្តីណែនាំលេខ ០០១/២១ សណន ចុះថ្ងៃទី២២ ខែកុម្ភៈ ឆ្នាំ២០២១ ស្តីពីការរឹតបន្តឹងការអនុវត្តវិធានការគម្លាតសុវត្ថិភាពសង្គម និងគម្លាតសុវត្ថិភាពបុគ្គល នៅក្នុងមូលដ្ឋានរាជធានីភ្នំពេញរបស់រដ្ឋបាលរាជធានីភ្នំពេញ។
ក្រោយកិច្ចប្រជុំចប់អភិបាលខណ្ឌកំបូលចែកម៉ាសដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលផ្តល់ជូនតាមរយៈរដ្ឋបាលរាជធានីភ្នំពេញ សរុបចំនួន ២៨,០០០ ម៉ាស ។
សមាសភាពចូលួមមាន៖ លោកនិងលោកស្រីអភិបាលរងខណ្ឌ គណៈនាយក លោក និង លោកស្រីប្រធានការិយាល័យទាំងអស់ លោកចៅសង្កាត់ទាំង៧៕