អភិបាលខណ្ឌបឹងកេងកង ធ្វើពិធីប្រគល់.ទទួល អំណោយពីសប្បុរសជនក្នុងមូលដ្ឋាន
ភ្នំពេញ៖នៅសាលាខណ្ឌបឹងកេងកងកាលពីព្រឹកថ្ងៃទី២៤ ខែកុម្ភៈ ឆ្នាំ២០២១នេះរដ្ឋបាលខណ្ឌបឹងកេងកង បានរៀបចំពិធីប្រគល់ និងទទួល គ្រឿងឧបភោគ-បរិភោគ ក្រោមអធិបតីភាព លោក ធឹម សំអាន អភិបាល នៃគណៈអភិបាលខណ្ឌបឹងកេងកង ដែលជាអំណោយរបស់បងប្អូនអាជីវករលក់ដូរនៅមុខសាលាភូមិ៧ ស្ថិតនៅលើផ្លូវ៤០២ សង្កាត់ទំនប់ទឹក ខណ្ឌបឹងកេងកង។
អំណោយរួមមាន៖អង្ករចំនួន ២៥០គីឡូក្រាម.មីចំនួន ៥កេស,ទឹកត្រី១យួរ,ទឹកស៊ីអ៉ីវ១យួរប្រេងឆា១០លីត្រ,ត្រីខ២យួរផងដែរ។
ឆ្លៀតក្នុងឱកាសនោះ ដែរលោកអភិបាល ខណ្ឌបឹងកេងកងធឹម សំអាន ក៏បានថ្លែងអំណរអរគុណយ៉ាងជ្រាលជ្រៅបំផុតជូនចំពោះកាយវិការដ៏ល្អប្រពៃនេះផងដែរដែលមានទឹកចិត្តជួយឧបត្ថម្ភជាអំណោយមកអាជ្ញាធរខណ្ឌដើម្បីទុកយកទៅបែងចែកជូនប្រជាជនក្រីក្រផងដែរ។
ជាមួយគ្នានេះដែរ លោកអភិបាល ខណ្ឌបឹងកេងកងធឹម សំអាក៏សូមជូនពរជ័យដល់បងប្អូនអាជីវករលក់ដូរនៅមុខសាលាភូមិ៧ ដែលមានទឹកចិត្តក្នុងការជួយឧបត្ថម្ភអំណោយមកដល់ខណ្ឌបឹងកេងកង សូមជួបតែពុទ្ធពរទាំង៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡេីយ ៕