អភិបាលរងខេត្តកណ្ដាល ចុះសំណេះសំណាល សួរសុខទុក្ខនិងនាំយកអំណោយ ចែកជូនពលរដ្ឋអ្នកធ្វើចត្តាឡីស័កក្នុងស្រុកខ្សាច់កណ្តាល
កណ្ដាល៖នៅថ្ងៃទី២៤ ខែកុម្ភៈ ឆ្នាំ២០២១ លោក នុត ពុធដារ៉ា អភិបាលរងខេត្តកណ្តាល បានដឹកនាំមន្ត្រីមន្ទីរ កងម្លាំងប្រដាប់អាវុធ អជ្ញាធរស្រុក និងឃុំ ក្នុងស្រុកខ្សាច់កណ្ដាលចុះសំណេះសំណាលសួរសុខទុក្ខ និងនាំយកអំណោយរួមមានគ្រឿងឧបភោគ បរិភោគ និងថវិកាមួយចំនួន ចែកជូនបងប្អូនប្រជាពលរដ្ឋ ដែលកំពុងធ្វើចត្តាឡីស័ក នៅតាមផ្ទះ។
ក្នុងឱកាសនោះលោកអភិបាលរងខេត្តកណ្ដាលបានណែនាំដល់ប្រជាពលរដ្ឋនៅតាមផ្ទះអំពីវិធានការការពារការីករាលដាល នៃជម្ងឺកូវីដ១៩ នៅឃុំបាក់ដាវ ស្រុកខ្សាច់កណ្តាល។
ជាមួយគ្នានោះលោកនុត ពុធដារា ក៏បានអប់រំណែនាំផ្សព្វផ្សាយពីវិធានការការពារកូវីដ១៩ ៣ ការពារ និង ៣ កុំ របស់សម្តេចតេជោ ហ៊ុន សែននិងវិធានការការពាររបស់ក្រសួងសុខាភិបាលដូចជាពាក់ម៉ាស លាងដៃនិងអាកុល ជែល ព្រមទាំរក្សាគម្លាតសុវត្ថិភាពដល់ប្រជាពលរដ្ឋរស់នៅតាមផ្ទះក្នុងឃុំបាក់ដាវ ស្រុកខ្សាច់កណ្តាលខេត្តកណ្ដាលផងដែរ៕
