ក្រឡាប់ត្រាក់ទ័រ សង្កត់អ្នកបើកបរស្លាប់ភ្លាមៗ
ក្រចេះ ៖ បុរសម្នាក់ជាអ្នកបើកត្រាក់ទ័របានស្លាប់ ដោយក្រឡាប់សង្កត់ជាប់ពីលើ កាលពីវេលាម៉ោង១២រសៀលថ្ងៃទី២៤ ខែកុម្ភៈ ឆ្នាំ២០២១ ស្ថិតនៅតាមបណ្តោយផ្លូវអាស៊ាន ក្នុងភូមិសង្គម ឃុំសណ្តាន់ ស្រុកសំបូរ ខេត្តក្រចេះ។
តាមរបាយការណ៍ពីសមត្ថកិច្ចបានឲ្យដឹងថា មុនពេលកើតហេតុគេឃើញជនរងគ្រោះខាងលើ បើកបរត្រាក់ទ័រមួយគ្រឿង ចុះពីលើស្ពានកាកុត បានប្រហែលជាមួយគីឡូម៉ែត្រ ស្រាប់តែក្រឡាប់ត្រាក់ទ័រសង្កត់អ្នកបើកបរបណ្តាលឲ្យស្លាប់ភ្លាមៗ។
ក្រោយពេលកើតហេតុប្រជាពលរដ្ឋ និងសមត្ថកិច្ចមូលដ្ឋាន បាននាំគ្នាំជួយស្ទូចលើកត្រាក់ទ័រ ដើម្បីយកសពចេញពីកន្លែងកើតហេតុ
បន្ទាប់មកសមត្ថកិច្ច ក៏បានស្រាវជ្រាវស្វែងរកក្រុមគ្រួសារ ដើម្បីមកទទួលយកសពទៅធ្វើបុណ្យតាមប្រពៃណី៕