លោកអភិបាលខណ្ឌបឹងកេងកង បន្តចុះចែកម៉ាស ជូនអ្នកដំណើរតាមដងផ្លូវនិងប្រជាជនក្នុងមូលដ្ឋាន
ភ្នំពេញ៖ដោយអនុវត្តន៍តាមវិធានការរបស់ក្រសួងសុខាភិបាល និងសេចក្ដីជូនដំណឹងរបស់រដ្ឋបាលរាជធានីភ្នំពេញក៏ដូចជាការគិតគូរដោយយកចិត្តទុក្ខដាក់ដោយផ្ទាល់ពីសំណាក់លោកធឹម សំអាន អភិបាលខណ្ឌបឹងកេងកងក្នុងការបង្ការទប់ស្កាត់នៃការឆ្លងរាលដាលនៃមេរោគកូវីដ១៩ក្នុងសហគមន៍។ក្នុងនោះលោកអភិបាលខណ្ឌបឹងកេងកងធឹម សំអាន ដោយគាត់ពេញចិត្តពេញថ្លើមនិងការងារបម្រើបងប្អូនបងប្អូនប្រជាជនរបស់ខ្លួននៅក្នុងមូលដ្ឋានខ្លួនគ្រប់គ្រងដោយនៅថ្ងៃនេះពោលគឺថ្ងៃទី២៤ខែកុម្ភះឆ្នាំ២០២១លោកអភិបាលខណ្ឌបានបន្តចុះចែកម៉ាសក្រោយពីបានទទួលអំណោយដ៏ថ្លៃថ្លា របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី តាមរយះលោកអភិបាលរាជធានីភ្នំពេញឃួង ស្រេង ដោយបន្តចុះចែកម៉ាសជូនដល់បងប្អូនជាអ្នកដំណើរតាមមធ្យោបាយនានាតាមដងផ្លូវនានាក្នុងមូលដ្ឋាន ខណ្ឌបឹងកេងកងនិងប្រជាជនស់នៅក្នុងមូលដ្ឋានតាមខ្នងផ្ទះពួកគាត់និមួយៗផងដែរ។
ជាមួយគ្នានោះដែរលោកធឹម សំអាន អភិបាលខណ្ឌបឹងកេងកងក៏បានមានមតិលើកឡើងដោយសូមអំពាវនាវបងប្អូនប្រជាជនទាំងអស់ដែលរស់នៅក្នុងមូលដ្ឋានខណ្ឌបឹងកេងកងមេត្តាចូលរួមពាក់ម៉ាសការពារ និង បាញ់ទឹកអាល់កុលឬជែលលាងសម្អាតដៃជាប្រចាំនិងរក្សាគម្លាតពីគ្នា តាមការណែនាំរបស់ក្រសួងសុខាភិបាល។ដូចនេះយើងត្រូវចូលរួមប្រយុទ្ឋប្រឆាំងមេរោគកូវីដ១៩ក្នុងសហគមន៍នាព្រឹត្តការណ៍២០កុម្ភះនិងតាមការណែនាំរបស់ក្រសួងសុខាភិបាលផងដែរ៕