ប្រធានផ្សារបឹងកេងកង ចុះបង្រៀនអតិថិជនការស្គែនQRcode ពេលចូលផ្សារនិងបន្តចែកម៉ាស
ភ្នំពេញ៖លោកឯក និមល ប្រធានផ្សារបឹងកេងកងបានអោយដឹងនៅថ្ងៃទី២៥ខែកុម្ភះឆ្នាំ២០២១នេះថាថ្ងៃនេះខាងគណៈកម្មការផ្សារបឹងកេងកងបានចុះបង្ហាត់បង្រៀនការស្គែនQRcode(ចុះឈ្មោះ)ដល់បងប្អូនអតិថិជនពេលពួកគាត់ធ្វើដំណើរចេញ ចូលផ្សារហើយយើងរួមដៃគ្នាទប់ស្កាត់នៃការឆ្លងរាលដាលជម្ងឺកូវីដ១៩ដើម្បីបិតកញ្ចប់ព្រឹត្តិការណ៍សហគមន៍២០កុម្ភះ។
លោកបន្តទៀតថាដោយអនុវត្តន៍តាមវិធានការរបស់ក្រសួងសុខាភិបាលនិងសេចក្ដីជូនដំណឹងរបស់រដ្ឋបាលរាជធានីភ្នំពេញក៏ដូចជាការគិតគូរដោយយកចិត្តទុក្ខដាក់ដោយរូបខ្ញុំផ្ទាល់ជាប្រធានផ្សារបឹងកេងកងក្នុងការបង្ការទប់ស្កាត់នៃការឆ្លងរាលដាលនៃមេរោគកូវីដ១៩ក្នុងសហគមន៍។ក្នុងនោះក្នុងនាមរូបខ្ញុំផ្ទាល់ជាប្រធានផ្សារបឹងកេងកងនិងមន្ត្រីបុគ្គលឹក សន្តិសុខផ្សារទាំងអស់ដោយគាត់ពេញចិត្តពេញថ្លើមនិងការងារបម្រើបងប្អូនដែលជាអាជីវករផ្សារនិងអតិថិជនអ្នកគាំទ្រផ្សារបឹងកេងកងហើយនៅថ្ងៃនេះពោលគឺថ្ងៃទី២៥ខែកុម្ភះឆ្នាំ២០២១លោកប្រធានផ្សារបឹងកេងកងឯក និមល និងសហការីដោយបានបន្តចុះចែកម៉ាសក្រោយពីបានទទួលអំណោយដ៏ថ្លៃថ្លា របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី តាមរយះលោកអភិបាលរាជធានីភ្នំពេញឃួង ស្រេង និងលោកអភិបាលខណ្ឌបឹងកេងកងធឹម សំអានដោយបន្តចុះចែកម៉ាសជូនដល់បងប្អូនជាអ្នកដំណើរតាមមធ្យោបាយនានាតាមដងផ្លូវនានាជុំវិញបរិវេណផ្សារបឹងកេងកងដែលស្ថិតនៅក្នុងមូលដ្ឋាន ខណ្ឌបឹងកេងកងនិងអាជីវករផ្សារជូនដល់ពួកគាត់តាមតូបនិមួយៗនិងអតិថិជនផងដែរ។
ជាមួយគ្នានោះដែរលោកឯក និមលប្រធានផ្សារបឹងកេងកងក៏បានមានមតិលើកឡើងដោយសូមអំពាវនាវបងប្អូនប្រជាជនទាំងអស់ដែលជាអតិថិជនផ្សារបឹងកេងកងនិងបងប្អូនអាជីវករមេត្តាចូលរួមពាក់ម៉ាសការពារ និង បាញ់ទឹកអាល់កុលឬជែលលាងសម្អាតដៃជាប្រចាំនិងរក្សាគម្លាតពីគ្នា តាមការណែនាំរបស់ក្រសួងសុខាភិបាល។ដូចនេះយើងត្រូវចូលរួមប្រយុទ្ឋប្រឆាំងមេរោគកូវីដ១៩ក្នុងសហគមន៍នាព្រឹត្តការណ៍២០កុម្ភះនិងតាមការណែនាំរបស់ក្រសួងសុខាភិបាលផងដែរ៕
