អភិបាលខណ្ឌប្ញស្សីកែវ នាំយកម៉ាសអំណោយរបស់សម្ដេចតេជោ ហ៊ុន សែនទៅចែកជូនប្រជាពលរដ្ឋក្រីក្រនៅក្នុងសង្កាត់ទួលសង្កែទី១
ភ្នំពេញ៖កាលពីថ្ងៃទី២៤ ខែកុម្ភៈ ឆ្នាំ២០២១ ជា ពិសី អភិបាលខណ្ឌប្ញស្សីកែវនិងលោកស្រី បានដឹកនាំ លោក លោកស្រីអភិបាលរងខណ្ឌ ប្រធាន-អនុប្រធានការិយាល័យចំណុះរចនាសម្ព័ន្ធរដ្ឋបាលខណ្ឌ មន្ត្រីរាជការនៃរដ្ឋបាលខណ្ឌប្ញស្សីកែវ និងអាជ្ញាធរភូមិសង្កាត់ នៃសង្កាត់ទួលសង្កែទី១ និងសង្កាត់ប្ញស្សីកែវ នាំយកម៉ាសដែលជាអំណោយដ៏ថ្លៃថ្លាបំផុតរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាតាមរយះលោកឃួង ស្រេង អភិបាលរាជធានីភ្នំពេញយកទៅចែកជូនប្រជាពលរដ្ឋក្រីក្រ រស់នៅតាមសហគមន៍ក្រីក្រនានា នៅក្នុងសង្កាត់ទួលសង្កែទី១ តាមខ្នងផ្ទះ។
ក្នុងឱកាសនោះលោកបានផ្សព្វផ្សព្វផ្សាយអំពីវិធានការការពារជម្ងឺកូវីដ១៩ ៣ ការពារ និង ៣ កុំ ជូនដល់ ប្រជាពលរដ្ឋក្រីក្រ រស់នៅតាមសហគមន៍ក្រីក្រនានា នៅក្នុងសង្កាត់ទួលសង្កែទី១ និងសង្កាត់ប្ញស្សីកែវ ដើម្បីចូលរួមទប់ស្កាត់ការរីករាលដាលនៃមេរោគកូវីដ១៩ នៅក្នុងព្រឹត្តិការណ៍សហគមន៍២០កុម្ភៈ៕