អឺរ៉ុប ចាប់បានថ្នាំញៀនកូកាអ៊ីន ជាង២៣តោន តម្លៃជាង២ពាន់លានដុល្លារ
បរទេស ៖ ទីភ្នាក់ងារព័ត៌មានបរទេស បានផ្សាយថ្ងៃនៅថ្ងៃទី២៥កុម្ភៈនេះថា រដ្ឋបាលគយនៃប្រទេសអាឡឹម៉ង់ បានរកឃើញថ្នាំញៀនកូកាអ៊ីនទម្ងន់សរុប16.17តោន លាក់ក្នុងធុងចំនួន1,700ធុង ដាក់ក្នុងទូកុងតឺន័ចំនួន៥លើកប៉ាល់មួយគ្រឿង មកពីប្រទេសប៉ារាហ្គាយ កាលពីថ្ងៃទី១២កុម្ភៈ នៅកំពង់ផែHamburg។
ចំណែករដ្ឋបាលគយបែលហ្សិចវិញ ចាប់បានកូកាអ៊ីន ចំនួន6.2តោន ដែលលាក់ទុកក្នុងកេសឈើ ដាក់ក្នុងកុងតឺន័រ លើកប៉ាល់មកពីប្រទេសប៉ាណាម៉ា(អាមេរិចកណ្តាល)។
ប្រភពផ្សាយថា តាមការស៊ើបអង្កេតថ្នាំញៀនទាំងពីរនេះ គឺជារបស់ឈ្មួញគ្រឿងញៀនតែមួយម្ចាស់ មានគោលដៅដឹកចូលប្រទេសហូឡង់។
នេះគឺជាការចាប់គ្រឿងញៀនដ៏ច្រើនបំផុត ក្នុងប្រវត្តិសាស្ត្រអឺរ៉ុប។ គេប៉ាន់ប្រមាណតម្លៃគ្រឿងញៀននេះថា មានតម្លៃប្រមាណ€1.5 billionទៅ€3.5 billion($1.8 billion and $4.3 billion) សម្រាប់ចំនួន16តោនដែលចាប់បាននៅHamburg៕