ឈាមស្រែកស្បែកហៅ ពិតជាកូនអកតញ្ញូមែន ហ៊ានលើដៃ វាយសម្លាប់ឪពុកស្លាប់នៅនឹងកន្លែង
តាកែវ ៖ ករណីនេះកើតឡើងនៅវេលាម៉ោង១៣និង១០នាទីថ្ងៃសុក្រទី២៦ ខែកុម្ភៈ ឆ្នាំ២០២១ ក្រោយពីទទួលព័ត៌ពីបងប្អូនប្រជាពលរដ្ឋ ថាមានករណីហឹង្សា ១ករណី បន្ទាប់មកលោកវរសេនីយ៍ឯក យុគ សារ៉ាត់ អធិការ នគរបាលស្រុកគិរីវង់ បានដឹកនាំកម្លាំងជំនាញចុះសហការជាមួយកម្លាំងប៉ុស្តិ៍នគរបាលរដ្ឋបាលតាអូរ និងមានការចង្អុលបង្ហាញពីសំណាក់ លោកឧត្តមសេនីយ៍ទោ សុខ សំណាង ស្នងការនគរខេត្តតាកែវ និងមានការសម្រប សម្រួលពីឯកឧត្តមព្រះរាជអាជ្ញាអមសាលាដំបូងខេត្តតាកែវ ចុះបង្ក្រាប និងចាប់ជនសង្ស័យម្នាក់ ឈ្មោះ សេន រ៉ាន់ ភេទប្រុស អាយុ៤៦ឆ្នាំ មានទីកន្លែងកំណើតភូមិ ស្លារ ឃុំតាអូរ ស្រុកគិរីវង់ ខេត្តតាកែវ ក្នុងករណីហឹង្សាដោយចេតនា ដោយជនសង្ស័យបានយកដងចបប្រវែង១.៤០ម៉ែត្រ និងដែកជើងព្យួរខោអាវ ប្រវែង១.៣០ម៉ែត្របាន វាយទៅលើជនរងគ្រោះចំនួន៤នាក់ បណ្តាលឲ្យមានរបួស។
លោកវរសេនីយ៍ឯក យុគ សារ៉ាត់ អធិការ នគរបាលស្រុកគិរីវង់ បានឲ្យដឹងថា ជនរងគ្រោះមានដូចខាងក្រោម៖ ទី១.ឈ្មោះ សេន ញ៉ាត អាយុ៧៧ឆ្នាំ (ត្រូវជាឪពុកបង្កើត) រងរបួសបែកក្បាលផ្នែកខាងក្រោយ (ស្លាប់នៅនឹងកន្លែង ) ទី២.ឈ្មោះ ប៊ុត ផាត ភេទប្រុស អាយុ៦៦ឆ្នាំ របួសដៃស្តាំដាច់ចេញឈាម ។ ទី៣.ឈ្មោះ តក់ ផាន់ ភេទស្រី អាយុ៦៧ឆ្នាំ ជាជនពិការជើងត្រូវត្រគាកខាងស្តាំជាំខ្មៅ និងទី៤.ឈ្មោះ ឈុយ ឆេន ភេទប្រុស អាយុ៥៦ឆ្នាំ វាយបំផ្លាញទ្រព្យសម្បត្តិ (ផ្ទះ)។
លោកវរសេនីយ៍ឯក យុគ សារ៉ាត់ បានបញ្ជាក់ថា មូលហេតុមកពី ទាស់ពាក្យសំដីជាមួយឪពុក គួបផ្សំនិងផឹកស្រាស្រវឹងបាត់បង់សតិ ។
សូមបញ្ជាក់ថា ៖ ជនសង្ស័យ សេន រ៉ាន់ ជាកូនបង្កើតជនរងគ្រោះ សេន ញ៉ាត ។ ករណីនេះសមត្ថកិច្ចយើង កំពុងធ្វើការឃាត់ខ្លួន និងកសាងសំណុំរឿងតាមនីតិវិធី និងបញ្ជូនទៅកានស្នងការដ្ឋាន៕
