នៅថ្ងៃទី ២៨ កុម្ភៈ កម្ពុជារកឃើញករណីជំងឺកូវីដ-១៩ សរុបចំនួន ៣៩នាក់
ភ្នំពេញ ៖ នាយកដ្ឋានប្រយុទ្ធនឹងជំងឺឆ្លង CDC នៃក្រសួងសុខាភិបាល បានឲ្យដឹងថា រហូតដល់ម៉ោង ០៧និង៣០ ព្រឹក ថ្ងៃទី ២៨ កុម្ភៈ ២០២១ កម្ពុជារកឃើញករណីជំងឺកូវីដ-១៩ សរុបចំនួន ៣៩នាក់ (ករណីឆ្លងសហគមន៍នៅភ្នំពេញ ២៩នាក់ ក្រុងព្រះសីហនុចំនួន ៦នាក់ និងទ័ពមួកខៀវ ៤នាក់) និងមិនមានជាសះស្បើយទេ ។
ដូច្នេះចំនួនករណីជំងឺកូវីដ-១៩សរុប កើនចំនួន៨០៥នាក់ ចំនួនសម្រាកពេទ្យកើន ចំនួន៣២៨នាក់ និងចំនួនជាសះស្បើយសរុបចំនួន៤៧៧នាក់ ដដែល និង ស្លាប់គ្មាន ។ ជំងឺកូវីដ-១៩ នៅតែបន្តគំរាមកំហែងយើងជាប់ជានិច្ច សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបើមិនចាំបាច់ ព្រោះប្រទេសយើងកំពុងរាត្បាតក្នុងសហគមន៍ និងប្រទេសជិតខាងយើង និងពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡើយ ។
យើងត្រូវបន្តគម្លាតបុគ្គលបន្តទៀត ដូចជាអង្គុយគម្លាតពីគ្នា ឈររងចាំគម្លាតពីគ្នា ឈរជជែកគ្នាគម្លាតពីគ្នា ។ ល។
យើងត្រូវបន្តពាក់ម៉ាស់ជាប់ជានិច្ច និងឧស្សាហ៍លាងដៃជាមួយសាប៊ូ អាល់កុល ឬជែល ។
សូមបញ្ជាក់ថា ប្រទេសយើងរកឃើញករណីជំងឺកូវីដ១៩ដំបូងបំផុតនៅថ្ងៃទី ២៧ មករា ២០២០ ។
យើងបានធ្វើតេស្តចំនួន 486861 ស្មើនឹង 28979 ក្នុង១លាន នាក់។ ព័ត៌មានបន្ថែមសូមទាក់ទងលេខ 115៕
