អាជ្ញាធររាជធានីនិងក្រុមការងារជំនាញ ខិតខំយកឱ្យឈ្នះក្នុងការធ្វើឱ្យបានការស្ដារឡាយមេទួលពង្រ១ក្នុងរដូវប្រាំងនេះ
ភ្នំពេញ៖ដោយមានការយកចិត្តទុកដាក់ពី លោក ឃួង ស្រេង អភិបាលរាជធានីភ្នំពេញលោក ហែម ដារិទ្ធិ អភិបាលខណ្ឌពោធិ៍សែនជ័យបានចាត់ចែងឱ្យក្រុមការងារជំនាញនៅព្រឹកថ្ងៃទី៣មីនា២០២១ ក្រុមការងាររដ្ឋបាលខណ្ឌពោធិសែនជ័យ សហការជាមួយមន្ទីរសាធារណការ និងដឹកជញ្ជូនរាជធានីភ្នំពេញ និងមន្ទីរធនធានទឹក និងឧតុនិយមរាជធានីភ្នំពេញ បានធ្វើការស្ដារប្រឡាយមេទួលពង្រ១ ស្ថិតនៅភូមទួលពង្រ សង្កាត់ចោមចៅទី១។
បើទោះបីនៅពេលនេះរដ្ឋបាលរាជធានីភ្នំពេញដឹកនាំដោយលោកឃួង ស្រេង អភិបាលរាជធានីភ្នំពេញកំពុងប្រុទ្ធប្រឆាំងនិងទប់ស្កាត់កូវីដ១៩ទាំងយប់ទាំងថ្ងៃក្ដីតែការងារដោះស្រាយទឹកលិចនិងការងារអភិវឌ្ឍរាជធានីភ្នំពេញនៅតែបន្ត។
គួរបញ្ជាក់ថា៖ប្រឡាយទួលពង្រទី១នេះតភ្ជាប់ជាមួយប្រឡាយទួលពង្រទី២ដោយឆ្លងកាត់សង្កាត់ចំនួន៣មានសង្កាត់ចោមចៅទី១ទី២និងចោមចៅទី៣ក្នុងខណ្ឌពោធិសែនជ័យមានប្រវែងជាង៤គីឡូតភ្ជាប់ទៅប្រឡាយលូ៥ក្នុងខណ្ឌមានជ័យ។ប្រឡាយនេះអាចរំដោះជំនន់ទឹកភ្លៀងក្នុងសង្កាត់ទាំង៣ខាងលើទំលាក់ទៅប្រឡាយលូ៥កាត់បន្តយលំនៅដ្ឋាននិងប្រជាពលរដ្ឋខាងលើ។
អាជ្ជាធររាជធានីក៏ដូចអាជ្ញាធរខណ្ឌពោធិសែនជ័យសូមអរគុណ ដល់ក្រុមការងារទាំងអស់ជាពិសេសប្រជាពលរដ្ឋដែលបានចូលរួមសហការជាមួយអាជ្ញាធរបានល្អប្រសើរ៕
