នៅខណ្ឌប្ញស្សីកែវ២ថ្ងៃ រកឃើញអ្នកវិជ្ជមាននឹងមេរោគកូវីដ១៩ ចំនួន៦នាក់ បានបញ្ជូនទៅទៅព្យាបាលនៅ សណ្ឋាគារ The Great Duke
ភ្នំពេញ៖ នៅព្រឹកថ្ងៃទី១៦ ខែមិនា ឆ្នាំ២០២១មានរកឃើញអ្នកវិជ្ជមាននឹងមេរោគកូវីដ១៩ ចំនួន៣ នាក់ នៅឃ្លាំងលក់រថយន្ត RVLG (ពាក់ព័ន្ធនឹងករណី អ្នកជម្ងឺ ឈ្មោះ ចាន់ មករា) ស្ថិតនៅចំណុចផ្ទះលេខ២២៣j ផ្លូវលេខ៥៩៨ ក្រុមទី៦ ភូមិគង្គាផុស សង្កាត់ទួលសង្កែទី២ ខណ្ឌឫស្សីកែវ ។
មន្ត្រីរដ្ឋបាលខណ្ឌបានឱ្យដឹងថា៖ក្រោយរកឃើញ ក្រុមគ្រូពេទ្យបានមកទទួលយកអ្នកវិជ្ជមាននឹងមេរោគកូវីដ១៩ ចំនួន៣ នាក់ មានដូចជា៖១ បុរស អាយុ៤៣ឆ្នាំ ២ កុមារី អាយុ១៦ឆ្នាំនិង៣ កុមារា អាយុ១២ឆ្នាំ ហើយ អ្នកជម្ងឺទាំងបីនាក់ ត្រូវបានបញ្ជូនទៅព្យាបាលនៅ សណ្ឋាគារ The Great Duke (អតីតសណ្ឋាគារអាំងទែរកង់ទីណង់តាល់) ដោយឡែកទីតាំងខាងលើនេះ បាននិងកំពុងបិទជាបណ្ដោះអាសន្នកាលពីថ្ងៃម្សិលមិញ ក្រោយពីមានការយកសំណាកទៅលើមនុស្សចំនួន១៩នាក់ ដែលរស់នៅក្នុងឃ្លាំងខាងលើនេះរួចមក។
ដោយឡែកកាលពីយប់រំលងអាធ្រាតឈានចូលថ្ងៃទី១៥ ខែមីនា ឆ្នាំ២០២១ អ្នកមានវិជ្ជមាននឹងមេរោគកូវីដ១៩ ក្នុងមូលដ្ឋានខណ្ឌឫស្សីកែវ បានរកឃើញអ្នកមានវិជ្ជមាននឹងមេរោគកូវីដ១៩ ចំនួន០៣នាក់ ដែលជាអ្នកផ្ទះរស់នៅជាមួយបុរស អាយុ២២ឆ្នាំ ជាសមាជិកក្រុមរាំរបស់ តារាចម្រៀង សុគន្ធ នីសា រួមមាន ៖ ១ ស្ត្រី អាយុ ៤៧ ឆ្នាំ២ បុរស អាយុ ៣០ ឆ្នាំនិង៣ កុមារី អាយុ ១២ ឆ្នាំ ដែលមានទីតាំងនៅផ្ទះលេខ៤៤ ផ្លូវបេតុង ភូមិបាក់ទូក សង្កាត់ទួលសង្កែទី១ ខណ្ឌប្ញស្សីកែវ (ជិតផ្សារសាំហាន់)។
មន្ត្រីរដ្ឋបាលខណ្ឌបានបន្តថា៖ បច្ចុប្បន្នអ្នកជម្ងឺទាំងបីនាក់ខាងលើនេះត្រូវបានបញ្ជូនទៅព្យាបាល នៅអតីតសណ្ឋាគារអ៉ីនធើខនទីណង់តាល់ (TheGreat Duke)។ចំណែកអ្នកដែលពាក់ព័ន្ធផ្សេងទៀតនៅក្នុងផ្ទះ ត្រូវបានឱ្យធ្វើចត្តាឡីស័កនៅក្នុងទីតាំងនេះបន្តទៀត ជាចុងក្រោយ អាជ្ញាធរ បានបន្តបិទទីតាំងខាងលើនេះជាបណ្ដោះអាសន្ន៕